| Le̍k-sò͘ | |
|---|---|
| 60 siam | 1 bî |
| 60 bî | 1 biáu |
| 60 biáu | 1 hun |
| 60 hun | 1 tō͘ |
| 30 tō͘ | 1 kiong |
| 3 kiong | 1 siōng-hān |
| 4 siōng-hān | 1 chiu-thian |
| 360 tō͘ | 1 chiu-thian |
| 10 chiam | 1 kak |
| 10 kak | 1 kho͘ |
| 1 kho͘ = ・72 khò͘-tô | |
| 1 kho͘ = ・76 Hā-tô |
| Tiân-sò͘ | |
|---|---|
| 100 chhùn | 1 chhioh |
| 25 chhioh | 1 pō͘ |
| 24 pō͘ | 1 hun |
| 10 hun | 1 bó͘ |
| 100 bó͘ | 1 khéng |
Tak-téng-hō mi̍h lóng ū tiāⁿ-tio̍h ê gia̍h-siaⁿ. Sǹg-gûn chiah ū niú-siaⁿ, chîⁿ-siaⁿ, hun-siaⁿ ûn-ûn. Sng-lō͘ chiah ū phò͘, lí, tn̄g-siaⁿ ûn-ûn.
Kì chit-hō͘ siàu iàu-kín tio̍h chiàu chhù-sū lâi pâi-lia̍t hiah-ê gia̍h-siaⁿ, Siōng, tio̍h tsòe thâu, kì tī tsó-pêng, Hā, tio̍h saⁿ-sòa lâi kì. Siōng thang kiò tsòe bú, hā thang kiò tsòe kiáⁿ.
Kiám-chhái ū siaⁿ bô siàu, chīu tio̍h kì 0 lâi lâu i-ê-ūi.
Beh siá saⁿ-tiám, chi̍t-khek, tsa̍p-sì-hun saⁿ-tsa̍p-la̍k biáu, tio̍h piⁿ-thâu ê hoat-tō͘.
| Tiám | Khek | Hun | Biáu |
|---|---|---|---|
| 3 | 1 | 14 | 36 |
Beh siá saⁿ-tn̄g koh gō͘-chhùn, chīu tio̍h kì 0 lâi lâu chhioh ê ūi.
| Tn̄g | Chhioh | Chhùn |
|---|---|---|
| 3 | 0 | 5 |
Ēng tiám, khek lâi saⁿ pí-phēng, chīu tiám tsòe bú, khek tsòe kiáⁿ. Khek, hun, lâi saⁿ pí-phēng chīu khek tsòe bú, hun tsòe kiáⁿ. Chhioh, chhùn lâi saⁿ pí-phēng, chīu chhioh tsòe bú, chhùn tsòe kiáⁿ.
Kiám-chhái gia̍h-siaⁿ chiàu-tsa̍p chìn, chīu m̄-sái sûi-siaⁿ lēng-gōa kì, thang kì bú tsòe tōa-siàu, kiáⁿ tsòe sió-sò͘.
Siat-sú beh kì la̍k-niú, sì-chîⁿ poeh-hun sì, chīu m̄-sái chiàu téng-bīn ê hoat-tō͘ lóng lēng-gōa kì.
| Niú | Chîⁿ | Hun | Lí |
|---|---|---|---|
| 6 | 4 | 8 | 4 |
