Page:Pit Sòan Ê Chho͘ Ha̍k.djvu/5

4. Saⁿ-bān liân連 la̍k-tsa̍p-sì; si-chheng-poeh; nn̄g-pah-ek liân連 saⁿ-chheng-jī; chi̍t-chheng nn̄g-pah saⁿ-tsa̍p-sì-tiāu gō͘-chheng la̍k-pah-ek káu-chheng chi̍t-pah jī-tsa̍p-saⁿ-bān. Sì-chheng tiāu liân連 gō͘-pah; sì-chheng-keng saⁿ-ek liân連 gō͘-ê.
5. Saⁿ-kai liân連 gō͘-pah; sì-keng poeh八 chheng chhit-pah sì-tsa̍p-jī-tiāu liân連 gō͘-pah-ek; Sì-ek liân連 la̍k-ê; la̍k-pah-ek saⁿ-bān liân連 la̍k-pah-la̍k.

Chí la̍k-ê kì-hō記號 iā tio̍h著 ha̍k-si̍p kàu到 ōe會 jīn-bêng認明 sòa siá寫 hó-khòaⁿ.

• ＋(thiⁿ) ì-sù意思 chīu-sī就是 iū-chhiú右手 ê个 siàu數 tio̍h著 thiⁿ-chham tsó-chhiú-ê, khoàn kiōng共 jōa-tsōe偌濟.
• －(kiám) ì-sù意思 chīu-sī就是 iū-chhiú右手 ê个 siàu數 tio̍h著 tùi tsó-chhiú-ê khàu-khí-lâi, khòaⁿ看 chhun賰 jōa-tsōe偌濟.
• ×(siong-sêng) ì-sù意思 chīu-sī就是 iū-chhiú右手 tsó-chhiú左手 ê个 siàu數 tio̍h著 siong-sêng相乘 khòaⁿ看 tit-tio̍h得著 jōa-tsōe偌濟.
• ÷(pun) ì-sù意思 chīu-sī就是 tio̍h著 ēng用 iū-chhiú右手 ê个 siàu數 lâi來 pun分 tsó-chhiú-ê
• =(pîⁿ-pîⁿ) ì-sù意思 chīu-sī就是 iū-chhiú右手, tsó-chhiú左手 ê个 siàu數 pîⁿ-tōa.
• ∴(só͘-í)

Siat-sú設使 siá寫 3+4=7, ì-sù意思 chīu-sī就是 3 kap佮 4 kiōng共 tsòe做 7.

5-3=2 ì-sù意思 chīu-sī就是 5 kiám減 3 chhun賰 2.

5×4=20 ì-sù意思 chīu-sī就是 5 kap佮 4 siong-sêng相乘 chīu就 tit-tio̍h得著 20.

20÷4=5 ì-sù意思 chīu-sī就是, ēng用 4 lâi來 pun分 20 chīu就 tit-tio̍h得著 5; in-iū 20 chiok 4 gō͘-pē.

KA-HOAT

Ēng用 kúi-nā幾若 tiâu-siàu ha̍p-kiōng合共 tsòe做 chi̍t-tiâu, hō tsòe做 Ka-hoat, iā thang通 kiò tsòe做 Ke-hoat.

3 ke 5, ha̍p-kiōng合共 poeh-ê: 8 ke 7, ha̍p-kiōng合共 15. Kiám-chhái檢彩 ū有 saⁿ-tiâu á-sī si-tiâu, chīu就 nn̄g-tiâu tio̍h著 siong-ka相加, khòaⁿ看 ha̍p-kiōng合共 kúi-ê, chiah só͘ tit-tio̍h得著 ê个 siàu數 tio̍h著 kap佮 tē-saⁿ-tiâu siong-ka相加. Siat-sú設使 5, 7, 8, 4 beh欲 siong-ka相加, chīu就 tio̍h著 kóng: 5 ke 7, ha̍p-kiōng合共 12; 12 ke 8; ha̍p-kiōng合共 20; 20 ke 4, ha̍p-kiōng合共 24.