Page:Pit Sòan Ê Chho͘ Ha̍k.djvu/6

Cī siŏh-hiĕk gó muôi gáu-dó̤i

Kiám-chhái檢彩 siàu數 ê个 ūi位 m̄-nā chi̍t-ê一个, chīu就 iàu-kéng tio̍h著 jīn-bêng認明 i-ê-ūi, chiàu chhù-sū lâi來 pâi-lia̍t-i. Thâu-tiâu tio̍h著 thán-hoâiⁿ siá寫; tē-jī tiâu ē-bīn下面 tio̍h著 hoâiⁿ-lia̍t橫列, tē-jī tiâu ē-bīn下面 tio̍h著 hoâiⁿ-lia̍t橫列, kì記 toaⁿ-ê-ūi tú-tú toaⁿ-ê-ūi-ē, tsa̍p-ê-ūi tī佇 tsa̍p-ê-ūi-ē, pah-ê-ūi tī佇 pah-ê-ūi-ē, i-siōng kok tùi i-ê-ūi pâi-lia̍t. Ta̍k tiâu tio̍h著 chhin-chīuⁿ án-ni hoâiⁿ-lia̍t橫列; toaⁿ tùi toaⁿ; tsa̍p十 tùi tsa̍p十, pah tùi pah, chheng, bān, lóng chiàu i-ê lūi, hō͘予 sûi-ūi tsòe做 it-ti̍t lo̍h-lâi. Pâi-lia̍t bêng-pe̍k tio̍h著 u̍ih-hûn keh-kài, seng tùi toaⁿ-ê-ūi lâi來 ke-khí, khòaⁿ看 kai-ū jōa-tsōe偌濟; lân-san-ê tio̍h著 kì記 tī佇 pún-ūi-ē, chīuⁿ-tsa̍p chīu就 tio̍h著 chìn進 chi̍t-ūi, it-tsa̍p chìn進 1, jī-tsa̍p chìn進 2. Kok-ūi tio̍h著 chiàu chit-ê這个 hoat-tō͘法度 lâi-sǹg, chīu就 ōe會 tit-tio̍h得著 tsóng-siàu.

Siat-sú設使 ū有 saⁿ三 tiâu條 siàu數, chi̍t一 tiâu條 sī是 8974, chit tiâu條 sī是 867, koh閣 chit tiâu條 sī是 4795: beh欲 ha̍p-kiōng合共 tsòe做 chi̍t一 tiâu條; hoat-tō͘法度 tio̍h著 chhin-chhīuⁿ親像 piⁿ-thâu ê个 khoán-sit. Thâu-chit tiâu條 tio̍h著 siá寫 tī佇 téng-bīn tē-it lia̍t; tē-jī tiâu條 tio̍h著 siá寫 tē-jī lia̍t, toaⁿ tī佇 toaⁿ ê个 ūi位 tsa̍p十 tī佇 tsa̍p十 ê个 ūi位, pah百 tī佇 pah百 ê个 ūi位; tē-saⁿ tiâu條 tio̍h著 siá寫 tē-saⁿ lia̍t, chiàu thâu pâi. Pâi-lia̍t bêng-pe̍k tio̍h著 u̍ih chi̍t一 hûn痕 keh kài, tùi toaⁿ ê个 ūi位 seng sǹg-khí, chīu就 5 7 4 siong-ka相加 kai tit 16; taⁿ 6 sī是 lân-san-ê tio̍h著 kì記 6 lok pún本 ūi位 ê个 hûn痕 ē, it-tsa̍p tio̍h著 chìn進 chêng-ūi tsòe做 1. (Ha̍k-seng teh sǹg ê个 sî, tio̍h著 ho͘ kóng, 5, 12, 16, kì記 6, chìn進 1.) Tsa̍p十 ê个 ūi位 só͘ chìn進 ê个 1 kap佮 9 6 7 siong-ka相加 kai tit 23, lân-san零星 ê个 3 tio̍h著 kì記 lok pún本 ūi位 ê个 hûn痕 ē, jī-tsa̍p tio̍h著 koh閣 chìn進 chêng-ūi tsòe做 2. (Tio̍h ho͘ kóng, 1, 10, 16, 23, kì記 3, chìn進 2.) Pah百 ê个 ūi位 só͘ chìn進 ê个 2 kap佮 7 8 9 siong-ka相加 kai tit 26, lân-san零星 ê个 6 tio̍h著 kì記 lok bún ūi位 ê个 hûn痕 ē, jī tsa̍p十 koh閣 chìn進 chêng-ūi tsòe做 2. (Tio̍h ho͘ kóng, 2, 9, 17, 26, kì記 6, chìn進 2.) Chheng ê个 ūi位 só͘ chìn進 ê个 2 kap佮 4 8 siong-ka相加 tit 14, lân-san零星 ê个 4 tio̍h著 kì記 lok pún本 ūi位 ê个 hûn痕 ē, it tsa̍p十 koh閣 chìn進 chêng-ūi tsòe做 1. (Tio̍h ho͘ kóng, 2, 6, 14, kì記 4, chìn進 1.) Bān ūi位 bô無 siàu數 thang通 siong-ka相加, chīu就 só͘ chìn進 ê个 1 tio̍h著 kì記 tī佇 bān ūi位 ê个 hûn-ē. Taⁿ hûn-ē só͘ kì記 ê个 14636 chīu-sī就是 tsóng-siàu.

  8974
   867
+ 4795
——————
 14636

Siat-sú設使 ū有 gō͘五 tiâu條 siàu數, chīu-sī就是 9280, 68094, 298, 48079, 7155, beh欲 siong-ka相加, chīu就 tio̍h著 chhin-chhīuⁿ親像 piⁿ-thâu ê个 khoán-sit pâi-lia̍t, u̍ih hûn痕 keh kài, lâi來 ho͘ kóng, 5, 14, 22, 26, kì記 6, chìn進 2. 2, 7, 14, 23, 32, 40, kì記 0, chìn進 4. 4, 5, 7, 9, kì記 9. 7, 15, 23, 32, kì記 2, chìn進 3. 3, 7, 13, kì記 3 chìn進 1 chêng-ūi, Taⁿ hûn-ē só͘ kì記 ê个 132906 chīu-sī就是 tsóng-siàu總數.