Cī siŏh-hiĕk gó muôi gáu-dó̤i
- Bó͘-lâng khí-chhù. Thô͘-tsúi-sai-hū, 20 ê, múi-lâng chi̍t-ji̍t niá chi̍t-kak-pòaⁿ, sió-kang 22 ê, múi-lâng chi̍t-ji̍t chi̍t-kak-gûn, ba̍k-sai, 12 ê, múi-lâng chi̍t-ji̍t chi̍t-kak-la̍k. Chiah ê tsòe-kang 125 ji̍t, kiōng tio̍h niá kúi-kho͘-gûn? Tek 890.
- Bó͘-mi̍h tiàm-tiān bóe 2 tàⁿ 88 kun pe̍h-thn̂g, kè-chîⁿ, chi̍t-tàⁿ 8 kho͘-gûn, iū-koh bóe 3 tàⁿ 60 kun khah-hó-ê, kè-chîⁿ, chi̍t-tàⁿ 9 kho͘-gûn. Che nn̄g-pau lóng saⁿ-chham lân-san-bōe chi̍t-kun chi̍t-kak-gûn, chīu kiōng thàn kúi-kho͘? Tek 9・36.
- Ū lâng tsoh chhîuⁿ, tn̂g 15 tn̄g, koâiⁿ 8 chhioh, kāu 1 chhioh 3 chhùn; phia̍h, chi̍t-tè, chham só͘-kô͘-ê-thô͘, tn̂g chi̍t-chhioh, khoah 5 chhùn, kāu 2 chhùn-pòaⁿ, tio̍h kúi-tè? Tek 12480.
- Bó͘-mi̍h-lâng kóaⁿ bé-chhia 609 lí: chhia-lûn ū nn̄g-tùi: chêng-tùi lûn-kîⁿ 8 chhioh 4 chhùn, āu-tùi lûn-kîⁿ 11 chhioh 6 chhùn; mn̄g: Chêng-tùi lìn pí āu-tùi tio̍h ke kúi-pái? Tek 36000.
- Pun 560 kho͘ 7 kak-pòaⁿ hō͘ 4 ê ta-po͘-lâng, 6 ê hū-jîn-lâng, kap 8 ê gín-ná. Ta-po͘-lâng chi̍t-ê tio̍h niá chi̍t-ê hū-jîn-lâng ê nn̄g-pē; chi̍t-ê hū-jîn-lâng tio̍h niá chi̍t-ê gín-ná ê saⁿ-pē; mn̄g: Ta-po͘, hū-jîn gín-ná, sûi-lâng tio̍h niá kúi-kho͘? Tek 67・29, 33・645, 11・215.
- Ū chi̍t-keng lâng-kheh-thiaⁿ 23 chhioh tn̂g, 18 chhioh khoah. Chi̍t-kńg-chhio̍h 2 chhioh-pòaⁿ khoah tio̍h kúi-chhioh tn̂g chiah pho͘ ōe kàu? Tek 165 6.
- Lîm-Sêng, Lîm-Tsoân ji̍t-ji̍t ē-hng tâng-sî khì-khùn; tsá-khí Sêng 6 tiám chhut-chi̍t-khek khí-lâi, Tsoân 8 tiám-cheng chiah khí-lâi; mn̄g: Móa 40 nî Sêng pí Tsoân cheng-sîn ke kúi-nî? Tek 2 335 7 30.
- Tūi-ngó͘ kiâⁿ-bān, chi̍t-hun-kú tio̍h 76 hoa̍h, kiâⁿ-kín, tio̍h 108 hoa̍h; sǹg chi̍t-hoa̍h nn̄g-chhioh-pòaⁿ, chīu kun-peng kiâⁿ-tūi 3 tiám-cheng-kú, lō͘-bé nn̄g-khek kiâⁿ-kín, kiōng ōe kiâⁿ kúi-lí? Tek 20,, 60.
- Ta-po͘, hū-jîn, gín-ná, saⁿ-bīn lâng-gia̍h tâng, tàu-tsòe-kang. Taⁿ-po͘ chi̍t-lâng chi̍t-ji̍t thàn nn̄g-kak-it, hū-jîn chi̍t-lâng chi̍t-ji̍t kak-jī, gín-ná chi̍t-ê chi̍t-ji̍t poeh-chiam. Tsòe-kang la̍k-ji̍t, kiōng ū thàn 36 kho͘ 9 kak; mng: Ta-po͘, hū-jîn, gín-ná, sûi-téng kúi-lâng? Tek 15.
