Cī siŏh-hiĕk gó muôi gáu-dó̤i
Thiaⁿ ê tn̂g-khoah lâi-siong-sêng, chīu tit-tio̍h 230, chīu-sī pho͘-thiaⁿ só͘ tio̍h ēng ê tsng. Siong-ka, kiōng tit-tio̍h 838 tè.
Ū chi̍t-kńg-chhioh, tn̂g 25 bā 1 chhioh, khoah 1 bā, iā ū chi̍t-keng-pâng, tn̂g 19 chhioh, khoah 12 chhioh; beh lâi-chhu, chi̍t-kńg-chhioh ōe kàu bōe?
In-ūi bā, chhioh bô chiàu tsa̍p chìn, chīu bōe tit-thang ēng chhioh ê gia̍h tsòe sió-sò͘, só͘-í tio̍h chiong bā hòa tsòe chhioh, chīu 1 bā tsòe 3 chhioh, 25 bā 1 chhioh tsòe 76 chhioh: siong-sêng, tit-tio̍h 228 pêng-hong-chhioh.
Ēng 12, 19 lâi-siong-sêng iā tit-tio̍h 228; khó-kiàn hit-kńg chhioh tú-tú kàu.
Chiah-ê siàu ha̍k-seng tio̍h sǹg.
- Ū iâm-tiâⁿ chi̍t-tn̄g sù-hong, pho͘ sì-kak-tsng, chi̍t-chhioh sù-hong, tio̍h kúi-tè? Tek 100.
- Iâm-tiâⁿ nn̄g-tn̄g sù-hong, chiah tio̍h kúi-tè tsng thang pho͘-i? Saⁿ-tn̄g sù-hong chiah kúi-tè? Tek 400, 900.
- Ū chhek-tiâⁿ 32 chhioh-pòaⁿ tn̂g, 18 chhioh 8 chhùn khoah, pho͘-tsng, chi̍t-tè chi̍t-chhioh sù-hong tio̍h kúi-tè? Tek 611.
- Siat-sú ng-tiâⁿ chi̍t-tn̄g sù-hong tio̍h 2 chin chéng-chí, chīu ng-tiâⁿ 8 tn̄g sù-hong tio̍h kúi-chhioh? Khoah 25 chhioh, tn̂g 48 chhioh tio̍h kúi-táu? Tek 1 2 8; 2 4.
- Bó͘-lâng ēng chio̍h-nn̄g pho͘ mn̂g-kháu, tn̂g 24 chhioh, khoah 18 chhioh. Sai-hū phín chi̍t-tn̄g sù-hong tio̍h nn̄g-kho͘-pòaⁿ gûn: Só͘-hùi kiōng tio̍h kúi-kho͘? Tek 10·8.
- Chi̍t-khu-hn̂g, tn̂g 75 chhioh, khoah 44 chhioh, tsai ko-lê-chhài, chi̍t-tn̄g sù-hong ōe-tsai-tit 50 tsâng, chīu hn̂g-lāi kiōng thang tsai kúi-tsâng? Koh, bōe chi̍t-tsâng 30 chîⁿ, hn̂g-tsú kiōng ōe niá kui-kho͘-gûn, sǹg chi̍t-kho͘ 1100 chîⁿ? Tek 1650, 45.
- Ū chi̍t-keng-pâng, tn̂g 18 chhioh, khoah 14 chhioh 4 chhùn, koâiⁿ 9 chhioh 5 chhùn; i-ê piah lóng pè hoe-tsóa. Hoe-tsóa chi̍t-kńg, khoah chi̍t-bā, tn̂g 40 bā ta̍t 5 kho͘-gûn.
Chi̍t-keng mn̂g, thang-á, sió-khóa, m̄-sái sǹg-i, chīu só͘-ēng ê hoe-tsóa kiōng tio̍h kúi-kho͘-gûn? Tek 8·55.
