Pe̍h-pe̍h pun hō͘ lâng

 1. Bô kiû pò-siû, lı̄-ek ka-kı̄, 
  Hoaⁿ-hí pe̍h-pe̍h pun hō͘ lâng; 
  Che kiám m̄-sı̄ Chú ê chí-ı̀, 
  Ài lán chı̄n-la̍t choè ê kang? 
  Chá-chêng Kiù-chú tiàm tı̄ sè-kan, 
  Thoân hok-im, i-pı̄ⁿ, koáⁿ kúi; 
  Choē-jı̄n tit kiù, sim-koaⁿ pêng-an, 
  Pe̍h-pe̍h sêng-siū Chú un-hūi. 
 2. Chú bat tùi lán kóng chı̍t kù oē, 
  “Hoaⁿ-hí pun hō͘ pa̍t-lâng ê, 
  Pí tùi lâng the̍h, hok-khı̀ khah choē; 
  Oē koh tit7-tio̍h kùi-nā pē.” 
  Pe̍h-pe̍h sêng-siū, pe̍h-pe̍h hō͘ lâng, 
  Thiàⁿ pa̍t-lâng chhin-chhiūⁿ ka-kı̄; 
  Āu-jı̍t oē tit pò-siúⁿ ún-tàng, 
  In-ūi sı̄ Chú só͘ hoaⁿ-hí. 
 3. Siōng-tè bô sioh Sèng Kiáⁿ, Ki-tok, 
  Ūi lán hiàn I lâi siū sí; 
  Thoè lán khui-lō͘, thàu kàu Thian-kok, 
  Eng-kai kám-siā, o-lō͘ I . 
  Chit hō un-tián, hok-khı̀ ke̍k toā, 
  Lán tāi-ke pe̍h-pe̍h hióng-siū; 
  Goān Chú si-lo̍h lêng-le̍k chān goá, 
  Thoân hok-im, chhoā lâng tit-kiù. A-men. 
 (Tâi-oân Kàu-hoē Kong-pò, Tē 844 kı̂, 1959 nı̂ 4 goe̍h)