Jı̍t-thâu siâ-siâ
Kı̄m-kong moá-thiⁿ ní iâm-thiâⁿ
Lí giâ iâm-pê
Goá the̍h pún-taⁿ
Pê chı̍t ē
Lu chı̍t siaⁿ
Siaⁿ-siaⁿ thoân kàu mn̂g-kháu-tiâⁿ
Jı̍t-thâu siâ-siâ
Hiong-chhin lâu-koāⁿ kha ióng-kiāⁿ
Lí ta̍h chúi-chhia
Goá ta̍h chúi-chhia
Lí ta̍h chı̍t-kha
Goá ta̍h chı̍t-kha
Ta̍h chhut lán-hiong ngó͘-chhái ê chúi-iáⁿ
Hong bi-bi-á
Chúi-chhia siaⁿ iâm-pê-á siaⁿ
Jı̍t-thâu chiām-chiām beh lo̍h-soaⁿ
Iâm tih-chúi lâng lâu-koāⁿ
Lí chı̍t tàⁿ goá chı̍t tàⁿ
Lí chı̍t tâi chhia goá chı̍t tâi chhia
Kiâⁿ seⁿ-sian ê thih-ki-hoāⁿ
Chhia kàu iâm-tiôⁿ kau koaⁿ-thiaⁿ
Thia̍p-chhut lán-chng ê pe̍h-soaⁿ
