Pn̄g-sı̂-chhèng

 Khoàⁿ i tı̄ thô͘-kha sô 
  Lia̍h-chún i kı̄n-sı̄ 
  Kiò i “iân chéng sô” 
  Ba̍k-chiu su khoàⁿ khah bô 
  Tiàm thô͘-kha kô͘ 
  Ná-chhiūⁿ chhoē chiam ê a-pô 
 Lí nā jiá--i 
  Hiông-hiông sin-khu khiā tı̍t piàn lò 
  Thâu ná pn̄g-sı̂-to 
  Sin-khu khiā thêng-thêng ná chhèng-ko 
  Chhùi-lāi chhèng-chı̍h siā-chhut to̍k-ko 
  Siáⁿ-lâng jiá-tio̍h sèⁿ-miā bô 
 Ū-lâng khah pháiⁿ pn̄g-sı̂-chhèng 
  Lán kiò i pn̄g-sı̂-ko 
  Lán kiò i pn̄g-sı̂-só 
  Bē lo tit to̍h mài lo 
  Chhian-bān m̄-thang kap i 
  Lo-li lo-so