Sè-kan piàn-chhian chin lı̄-hāi
Tek-choē Siōng-tè toā chai-hāi
Sè-kan o͘-àm thang kiaⁿ-hiâⁿ
Tio̍h-ài sió-sim soè-jı̄ kiâⁿ
Sı̀n-gióng lō͘-thêng chin kng-bêng
Khı̂ⁿ Chú tiâu-tiâu oē tek-sèng
Ū Chú ín-chhoā chin ún-tàng
M̄-bián khoà-lū lâi choa̍t-bāng
Oá-khò kiù-chú ū hok-khı̀
Siōng-tè kéng-soán ê kiáⁿ-jı̂
Ūi Chú hoat kng tit Chú thiàⁿ
Siōng-tè chiok-hok ū ióng-kiāⁿ
Kiù-chú sūn-ho̍k lán Thiⁿ-pē
Ūi-tio̍h sé-kan chèng tāi-ke
Hō͘ lâng tèng tı̄ sı̍p-jı̄-kè
Lâu chhut pó-huih kiù tāi-ke
Kiù-chú siaⁿ-im chin khiam-pi
Ūi-tio̍h choē-jı̂n siū chhám-sí
Siōng-tè hoat toā ê siū-khı̀
Choē-jı̂n eng-kai tio̍h-ài sí
Chú kóng in só͘ choè in m̄-chai
Pē ah lí tio̍h sià-bián in
Kiù-chú hi-seng lán ài chai
Hō͘-lâng siong-sim lâu ba̍k-sái
Chú beh sio̍k-hoê lán chiong-lâi
Lán choh-lâng tio̍h-ài khiam-pi
M̄-thang o-ló lán ka-kı̄
Siōng-tè hoaⁿ-hí ê kiáⁿ-jı̂
Chiah oē tiàm Chú ê sin-piⁿ
Kiù lán lêng-hûn m̄-bián sí
Lán tio̍h kám-siā lâi o-ló
M̄-thang ko͘-hū Chú kong-lô
Chú lâi sè-kan chiâⁿ-choè lâng
Thoa-boâ lô-khó͘ lóng saⁿ-tâng
Bô lia̍h ka-kı̄ sı̄ kun-ông
Sūn-hok Siōng-tè hō͘ lâng hāi
Hō͘-lâng khoàⁿ-khin m̄ eng-kai
Chú ê siū khó͘ lán ài chai
Kiù-chú sūn-hok tùi pē lâi
Lán tio̍h chai choē kín hoé-kái
Chú beh sio̍k-hoê lán chiong-lâi
Sè-kan o͘-àm thang kiaⁿ-hiâⁿ
Lán tio̍h kéng-séng soè-jı̄ kiâⁿ
Tè Chú kha-pō͘ ài sı̀-chiàⁿ
Mô͘-kúi hiong-ok m̄-bián kiaⁿ
Siōng-tè chiàn kah hō͘ lán chhēng
Chiū ū ióng-kám khı̀ chiàn-cheng
Tùi-tek beh lâi chin lı̄-hāi
Siōng-tè lāi-kiàm kah i thâi
Hō͘ i chai choē kín hoé-kái
Chú beh sio̍k-hoê lán chiong-lâi.
