1 Siōng-tè bēng-lēng chèng-lâng tio̍h thiaⁿ,
Hoaⁿ-hí sêng-siū hok-im chin siaⁿ,
Sèng-chheh tù-hiān Siōng-tè toā-un,
Chú kiù sè-kan koé lâng iu-būn.
2 Sèng-chheh tùi thâu kàu-bé chin-sı̍t,
Chu-bı̄ ke̍k biāu khah tiⁿ phang-bı̍t;
Siōng-tè tō-lí sı̍t-chāi tin-pó,
Pí gûn pí kim bān pē khah hó.
3 Bān bı̂n khiā-khí sí toē ı̀m-ńg,
Sèng-chheh tù-hiān Siōng-tè êng-kng,
Hián-bêng chin-lí chiū-sı̄ hok-im,
Sèng-sı̂n chiò-kng lán lâng ê sim.
4 Sèng-chheh chí-sı̄ éng-oa̍h ê lō͘,
Kà lâng sı̀n-thàn êng-kng Iâ-so͘,
Chin kng lâi chiò lán kiâⁿ thò-tòng,
Kian-kò͘ ǹg-bāng oē kàu thian-tông.
5 Taⁿ lán chiâⁿ-choè Iâ-so͘ ha̍k-seng,
Siông-siông káng-kiù Siōng-tè sèng-keng,
Sèng-sı̂n kám-hoà ta̍k lâng sim-koaⁿ,
Oē ha̍p thiⁿ-ı̀ hok-khı̀ moá-moá.
