Sèng-tān Siōng-koa
1.Chú chhut-sı̀, Pek-lı̄-hêng siâⁿ, Goán beh lâi chhoē I,
Thiⁿ-téng thian-kun lóng chhut-siaⁿ, O-ló, chheng-chàn I.
Kò͘-iûⁿ ê, tı̄ khòng-iá nı̍h, Thiⁿ-sài pò in chai,
Kiù-chú chhut-sı̀ Pek-lı̄-hêng, In chiū khı̀ kèng-pài.
2.Goán tāi-ke, ū khoàⁿ-kı̀ⁿ chhiⁿ, Chhut-hiān tı̄ thiⁿ-nı̍h,
Phok-sū hoaⁿ-hí khı̀ chhoē I, Kèng-pài hiàn lé-mı̍h.
Goán o̍h in, lâi beh pài I ,Hiàn sêng-sı̍t ê sim,
O-ló gı̂m-si chin hoaⁿ-hí, Pò-iông che Hok-im.
3.Chin hoaⁿ-hí, Kiù-chú chhut-sı̀, Éng-oán o-ló I,
Sêng-sim jı̄n I choè kiù-chú, Lán tio̍h chhin-kı̄n I.
Chú jı̂n-ài, ke̍k toā bô pí, Chín-kiû dè-kan lâng,
Iu-būn kiaⁿ-hiâⁿ lóng bô--khı̀, Tit hoaⁿ-hí ǹg-bāng.
(Tâi-oân Kàu-hoē Kong-pò tē 573 koàn, 1932 nı̂ 12 ge̍h)
