Sèng ê Sı̀n-gióng
1. Tùi Chú lâu hoeh, goá tit lı̄-ek,
Kiám ē án-ni? goá bô tō-tek.
I thè goá sí, siáⁿ lâng kah I ?
Sím-mı̍h lâng pek I thè goá sí ?
Goá ê Siōng-tè goān thè goá sí .
Cháiⁿ-iūⁿ án-ni ? thiàⁿ-thàng bô pí !
Goá ê Siōng-tè goān thè goá sí .
Cháiⁿ-iūⁿ án-ni ? thiàⁿ-thàng bô pí !
2.Chin sı̄ ò-biāu ! Put-bia̍t, ū sí !
Siáⁿ lâng chai Chú kè-e̍k sin-kı̂?
Chú thiàⁿ chhim-tı̂m, thiⁿ-sài chhui-chhek,
Sui-jiân chı̄n-la̍t, oh-tit bêng-pe̍k .
Lı̂n-bín toā ah !lán tio̍h kám in;
Thiⁿ-sài gián-kiù, in bián koh chı̀n .
3.Thiⁿ-téng ông-ūi, I goān hòng-khı̀;
In-tián bû kiông si-lo̍h tùi I.
Piàⁿ-khang ka-tı̄, choan-choan jı̂n-ài;
Lâu hoeh,ūi-tio̍h loán-jio̍k sè-kài.
Lı̂n-bín toā ah ! khóng-khoah bû pian,
Goá ê Siōng-tè, bô hiâm goá chiān.
4.Choē kap ok-sèng pa̍k goá chin ân,
Sim-sı̂n siū koaiⁿ, ài thoat kan-lân.
Oa̍h-miā kng-soàⁿ siā-jı̍p àm-mê,
Kaⁿ-lô chiò kng, goá chiū kak-chhéⁿ,
Só-liān lóng lut, sim-koaⁿ chū-iû,
Peh-khí-lâi toè chí-hó Pêng-iú .
5.Goá taⁿ bián kiaⁿ tēng-choē tı̂m-lûn,
Iâ-so͘ só͘ ū, goá lóng ū hūn .
Tiàm tı̄ oa̍h-miā ê thâu, goá oa̍h;
Chhēng Chú ê gı̄, chū-chāi bô chhoah,
Taⁿ goá hó-táⁿ oá-kı̄n in-chō,
Chhéng-kiû bián-liû, khò Chú kong-lô.
(Tâi-oân Kàu-hoē-pò tē 544 koàn, 1930 nı̂ 7 ge̍h)
