Sèng iā

 kái-e̍k 
 1. Sèng-tān iā, chheng-chēng iā, 
  Chhut hô-kong, kng iàⁿ-iàⁿ； 
  Kng chiò Sèng Bó, ia̍h chiò Sèng Kiáⁿ, 
  Sèng bí-māu, un-jiû, chû-pi thang thiàⁿ； 
  Chēng-chēng an-bı̂n bô kiaⁿ, 
  Chēng-chēng an-bı̂n bô kiaⁿ. 
 2. Sèng-tān iā, chheng-chēng iā, 
  Teh chiú-kiⁿ, chèng bo̍k-chiá: 
  Khoàⁿ-kı̀ⁿ thiⁿ-sài, tùi êng-kng chhut siaⁿ, 
  Hut-jiân thian-kun chhiùⁿ Ha-le-lu-iah: 
  Chú kàng-seng Tāi-pı̍t siâⁿ, 
  Chú kàng-seng Tāi-pı̍t siâⁿ. 
 3. Sèng-tān iā, chheng-chēng iā, 
  Kı̂-ı̄ⁿ chhiⁿ thang gông-ngia̍h; 
  Tang-hng phok-sū koan-khoàⁿ chiū chai-iáⁿ, 
  Ǹg I lâi kiâⁿ, kàu Kiù-chú Sèng-siâⁿ； 
  Hōng-hiàn lé-mı̍h, kèng-thiàⁿ, 
  Hōng-hiàn lé-mı̍h, kèng-thiàⁿ. 
 4. Sèng-tān iā, chheng-chēng iā, 
  O-ló Chú, chhut toā siaⁿ; 
  Chı̀-koân êng-kng, kui Siōng-tè Sèng-miâ, 
  Khèng-hō tē-chiūⁿ, Chú in-sù chò chiâⁿ； 
  Tâng gı̂m Ha-le-lu-iah, 
  Tâng gı̂m Ha-le-lu-iah. 
 (Tâi-oân Kàu-hoē Kong-pò, Tē 744 kı̂, 1950 nı̂ 12 goe̍h)