Sèng kiáⁿ hoà-sin kiù jı̂n-lūi

 (Sèng-tàn ngó͘-kám) 
 1. Siōng-tè Sèng Kiáⁿ Chú Iâ-so͘, 
  Lı̂m-kàu sè-kan kiù kan-khó͘; 
  Kheh-tiàm bô ūi bô chhn̂g-pho͘, 
  Sin ēng pò͘ pau khùn bé-chô; 
 Pi-bı̂ ah! Goá Kiû-chú, 
  Siá-sin tâu-thai chāi-sek-lú; 
  Kám-kek ah! Goá Kiù-chú, 
  Siàu-liām kiù-in kàu kú-kú. 
 2. Pàng-sak pó-chō Chú Iâ-so͘, 
  Hō͘ lâng thoat-lı̄ choē khó͘-chhó͘; 
  Só͘ kiâⁿ só͘ chò chiâⁿ bô͘-iūⁿ, 
  Che sū èng-kāi goá tio̍h siūⁿ； 
 Khoài-lo̍k ah! Chú kàng-sè, 
  Thè goá lâi oân sio̍k-choē chè; 
  Kı̂-biāu ah! Chú in-hūi, 
  Ēng sim ho̍k-sāi tio̍h pài-kūi. 
 3. Hoà-sin chò lâng Chú Iâ-so͘, 
  Chhin-sin tam-tng choē chiù-chó͘; 
  Jím-siū lêng-jio̍k chèng khó͘-chhó͘, 
  Goá tit pêng-an Chú siū-khó͘; 
 Úi-tāi ah! Chú hí-seng, 
  Pó-hoeh kong-hāu sé choē-chek; 
  Kám-siā ah! Chú Pó-pı̀, 
  Tiàm i ek-hā éng hok-khı̀.
 4. Tang-hng chhàn-lān ê kng-chheⁿ, 
  Pò bêng Ki-tok taⁿ kàng-seng; 
  Chē tı̄ o͘-àm chèng jı̂n-lūi, 
  Tang hióng Kiù-chú toā in-hūi; 
 Chhim-tı̂m ah! Chú thiàⁿ-thàng, 
  Êng-kng chun-kùi kam-goān pàng; 
  Ò-biāu ah! Chú tı̀-hūi, 
  Sèng Kiáⁿ hoà-sin kiù jı̂n-lūi. 
 (Tâi-oân Kàu-hoē Kong-pò, Tē 756 kı̂, 1951 nı̂ 12 goe̍h)