Sêng-kong--a

Sêng-kong--a sı̄ hoaⁿ-hí-tāi, khoàⁿ Gún hit-ê kim-sun--ê hiah-nı̄ khiáu, hiah-nı̄ sai-nai tio̍h sim moá ı̀ chiok--à, koh chin gâu kóng-oē--neh, chiah chè 7, 8--niâ, tio̍h ē-hiáu kiò pa-pa, ma-ma, liân a-má, a-ı̂, a-peh to ē-hiáu kiò, sı̍t-chāi ū-kàu khiáu. Ûi-it han-bān ê tiō-sı̄ bē-hiáu kiò a-kong, hō͘ goá kám-kak chin ut-chut. Ū 1 kang, in a-má kà goá 1-ê phiat-pō͘, kiò goá ài ē-hiáu 「kak-sek poaⁿ-ián 」, seng ka-kı̄ kiò, ka-kı̄ ı̀n, sı̄-hoān hō͘ koai-sun--ê thiaⁿ, án-ni koai-sun--ê thiaⁿ kú tio̍h ē-hiáu kiò a-kong--a . Kin-á-jı̍t koh phō i khı̀ chhit-thô, sūn-soà kà i kiò a-kong : "A-kong !...oê-é ! A-kong ! ...oê-é !" koai-sun--ê kan-na chhiò-chhiò m̄ ı̀n-oē. "A-kong !...oê-é ! A-kong ! ...oê-é !』kāng-khoán bô hoê-èng, m̄-sı̀n-siàⁿ koh kè-sio̍k kà : "A-kong. " "Oê-é !" chit-pái koai-sun--ê ı̀n-oē--ā. Ū-iáⁿ sêng-kong--ê to-tio̍h.