Sı̂n-jiah Koa
（Goá kı̀-tit khah-chá chêng , ū lâng choè Sı̂n-jiah koa , goá tı̄-chia siá goá só͘ oē kı̀-tit ê , hō lia̍t-ūi choè chham-khó , iā nā iáu-ū pa̍t-hāng ê , chhiáⁿ lia̍t-ūi chí sı̄.）
1. Ka-ná ū hun-in,
Iâ-so͘ chhin kàng-lı̂m,
Tāi-ke hù iân-sia̍h ,
Chiú lim bô kàu-gia̍h.
Bēng lô͘- po̍k , khı̀ chhiūⁿ-chúi,
Bēng lô͘-po̍k , khı̀ chhiūⁿ-chúi,
Sûi-sı̂ piàn choè chiú ,
Sè-kan chin hán-iú.
2. Iâ-so͘ kiâⁿ chúi-bı̄n ,
Pí-tek ài chhin-kūn,
Kiû Chú iông-ún goá ,
Hō͘ goá oē kūn-oá ,
Kiâⁿ chúi-bı̄n ,sim hoaⁿ-hí,
Kiâⁿ chúi-bı̄n ,sim hoaⁿ-hí,
Chú kóng án-ni sı̀n ,
Lí sı̀n bián tài-gı̂.
3. Iâ-so͘ kiâⁿ-lō sı̂ ,
Hū-jı̂n hiat-lāu pı̄ⁿ ,
Kun-sûi Chú sin-piⁿ,
Sı̀n Chú oē i-tı̄.
Bong saⁿ-ku hiat-lāu chí,
Bong saⁿ-ku hiat-lāu chí,
Chú kóng án-ni sı̀n,
Lí sı̀n i hó lí.
4. Iâ-so͘ kàu Ná-in ,
Koáⁿ-hū sàng chı̀-chhin ,
Kiù-chú iông-ún i ,
Hoat-hù bián khàu-thı̂.
Siàu-liân lâng , lí tio̍h khí,
Siàu-liân lâng , lí tio̍h khí,
Miâ-siaⁿ moá sı̀-koè ,
Êng-kng kui Siōng-tè.
5. Iâ-so͘ khòng-iá ,
Khó-lı̂n lâng bô chia̍h,
Tè chú saⁿ-jı̍t kú ,
Iau kàu bô ki-hu.
Gō͘ ê piáⁿ , nn̄g bé hı̂,
Gō͘ ê piáⁿ , nn̄g bé hı̂,
Lâi chia̍h lâng gō͘-chheng ,
Koh chhun cha̍p-jı̄ kheng.
（Goá só͘ oē kı̀-tit ê, sı̄ chiah ê nā-tiāⁿ, lia̍t-ūi nā chai ū pa̍t-khoán ê chhiáⁿ chí-sı̄)
(Tâi-oân Kàu-hoē-pò Tē 544 hō, 1930 nı̂ 7 ge̍h)
