Gio̍k-lân hoe! gio̍k-lân hoe! saⁿ-lúi cha̍p-kho͘ sio̍k-sio̍k bē,
Koè lō͘ ê lâng-kheh! bāng lí saⁿ thê-hê,
Ū iân lâi sio-tú, ná m̄ chhiáⁿ goán jı̍p khı̀ chē,
Gio̍k-lân-hoe! gio̍k-lân-hoe! saⁿ-lúi cha̍p-kho͘ sio̍k-sio̍k bē.
M̄-sı̄ goán bô kè, sı̄ goán hó chò-hoé.
Chiah tı̄ sı̍p-jı̄-lō͘ kháu kap lí lâi siong-hoē.
Sè-hong jı̍t-jı̍t hā, pêng-iú oh kau-poê,
Siā-hoē jı̍t-jı̍t chhian, jı̂n-chêng iū khoài se,
Put-jû lâu goán chheng-phang, poê lí tang-sai-lâm-pak,
Hûn-iû sı̀-koè se̍h.
Gio̍k-lân hoe! gio̍k-lân hoe! saⁿ-lúi cha̍p-kho͘ sio̍k-sio̍k bē.
M̄-sı̄ goán bô kè, sı̄ goán hó chò-hoé.
Chiah tı̄ sı̍p-jı̄-lō͘ kháu kap lí lâi siong-hoē.
(Gân Sı̀n-seng Tâi-gí Bûn-ha̍k soán, 2002 nı̂ Chin-pêng Khı̀-gia̍p Chhut-pán)
