Sam-jū-keng Sin-choān Pe̍k-oā Chù-kái/Sam-jū-keng 9

Sam-jū-keng 8

Sam-jū-keng Sin-choān Pe̍k-oā Chù-kái 三字經新篡白話註解 (1894 nî) Sam-jū-keng 9 Chok-chiá: Î Jiâu-lí

Sam-jū-keng 10

1904 nî tiông-ìn.

97	香	hiong	Hiong (=N̂g Hiong)
98	九	kiú	káu
99	齡	lêng	hòe
100	能	lêng	ē
101	溫	un	un-sio
102	席	se̍k	chhn̂g-pho͘
103	孝	hàu	hàu-kèng, ū-hàu
104	於	u	tī, ī
105	親	chhin	pē-bú
106	所	só͘	só͘
107	當	tong	eng-kai
108	執	chip	chip-siú

“Hiong tī káu-hòe ê sî ē hiáu-tit un-sio (pē-bó ê) chhn̂g pho͘. Ań-ni-siⁿ, hàu-kèng tī pē-bú ê pún-hūn sī ta̍k-lâng só͘ eng-kai tio̍h chip-siú”.

---

‘Hiong’ chiū-sī Hàn-tiâu ê lâng ê miâ. I sèⁿ N̂g. Ū lâng thoân kóng,— I tī joa̍h--lâng ê si chiū ēng khoe-sìⁿ ia̍t i-ê lāu-pē chhn̂g-lâi ê mi̍h hō͘ in liâng; ia̍h kàu kôaⁿ ê sî chiū ka-tī seng-khùn tī bîn-chhn̂g-lāi hō͘ mi̍h lóng sio, chiah hō͘ i-ê lāu-pē khi khùn. I-ê lāu-bú chá-sí, chiū in-ūi i put-chí siàu-liām i, só͘-í ho̍k-sāi i-ê lāu-pē ke̍k ū hàu (Khòaⁿ Ji̍t-kì Kò͘-sū). Hoān-nā lâng, tio̍h chhin-chhiūⁿ chit-ê gín-ná ê hàu-sim lâi ho̍k-sāi i-ê si-tōa-láng.