1 Siōng-tè chhòng-chō thiⁿ kap toē,
Siⁿ-chiâⁿ bān mı̍h, ta̍k hāng oē;
Kong-lô ke̍k toā, iū ke̍k khoah,
Chı̍t sı̀ chheng-ho͘ éng bô soah.
2 Jı̍t-thâu hoat-hiān, kng moá thiⁿ,
Jı̍t lo̍h, ge̍h chhut, chiò àm mı̂;
Jı̍t, ge̍h, chhiⁿ-sı̂n, to͘ hián-bêng,
Siōng-tè Chú-cháiⁿ toā koân-lêng.
3 Thó͘-toē só͘ siⁿ ê gō͘-kak,
Hoe-hn̂g chhiⁿ-chhùi ê chhiū-ba̍k,
Hái-lāi só͘ ū ê hı̂-pih.
To͘ sı̄ Siōng-tè choè ê mı̍h.
4 Thiⁿ tiong só͘ pe ê chiáu-chiah,
Siōng-tè chhòng hō͘ chia̍h kàu-gia̍h;
Í-kı̍p chı̀ soè ê thâng-thoā.
Bô chhut Siōng-tè sim í-goā.
5 Siōng-tè chiàu-kò͘ sè-kan lâng,
Put-lūn Tiong-kok kap goā-pang,
Hō͘ goá ta̍k jı̍t ê bí-niû;
Kiám ū chhù-the̍h kap i-chiûⁿ.
6 Siōng-tè ê un kóng boē chı̄n.
Chhe-khián Iâ-so͘ kiù bān-bı̂n;
Tāi-ke tio̍h ēng chin-sı̍t sim
Kā i kám siā, si lâi gı̂m.
