1 Siōng-tè chû-pi bû-kiông bû-chı̄n,
Khún-kiû si-un hō͘ goá,
Thiⁿ-pē hián-bêng chı̀-toā lı̂n-bín,
Chhat-siau lóng-chóng chē-koà.
2 Goá jı̄n kè-sit m̄-káⁿ the-sı̂,
Siông-siông iu-būn hoán-hoé,
Chú soé goá pháiⁿ ta̍k-hāng chheng-khı̀,
Sià-biaún it-chı̄n bô choē.
3 Siōng-tè goá ū hoān-choē tı̄ lí,
Tı̄ lí bı̄n-chêng poē-ge̍k;
Siōng-tè sím-phoàⁿ sı̍t-chāi kong-gı̄,
Eng-kai tāng-tāng khiàn-chek.
4 Pē-bú siⁿ goá sèng-chêng pāi-hoāi,
Pún-jiân ù-oè kàu-ke̍k;
Sêng-sı̍t ê sim sı̄ Chú só͘ ài,
Khún-kiû hō͘ goá tı̀-sek.
5 Kiù-chú pó-huih soé goá lêng-hûn,
Khah-pe̍h sng-seh sek-tı̄.
Goá sin thàng-thiàⁿ moá sim ut-būn,
Kiû lí hō͘ goá hoaⁿ-hí.
6 Chhat-bia̍t goá choē bô koh chek-pı̄,
Bián-tit giâm-giâm sím-phoàⁿ;
Chhòng-chō sim-sı̂n it-chı̄n chheng-khı̀,
Sèng-chêng têng-sin koé-oāⁿ.
7 Goá ài tiâu-kı̀n Thiⁿ-pē ê bı̄n,
Bo̍h-tit koáⁿ goá hn̄g-hn̄g,
Sim-lāi him-bō͘ Siōng-tè Sèng-sı̂n,
M̄-thang kā goá chām-tn̄g.
8 Sèng-sı̂n hû-chhı̂ hō͘ goá kian-kò͘,
Koh hióng tit kiù ê hok,
Siōng-tè tō-lí goá khı̀ thoân-pò͘,
Pháiⁿ-lâng chhíⁿ-gō͘ hâng-ho̍k.
9 Kiù-chú Siōng-tè sià goá sí-choē,
Chān goá kám-siā gı̂m-si,
Toā siaⁿ o-ló éng-oán boē hoè,
Pò-iông Siōng-tè jı̂n-gı̄.
10 Sio-chè lé-mı̍h Chú bô hoaⁿ-hí,
Nā ài, chiū goá chè-hiàn,
Sim-lāi thó͘-khùi hoán-hoé khiam-pi,
Thiⁿ-pē lóng bô iàm-chiān.
11 Kàng lo̍h toā un kàu-hoē heng-ōng,
Iâ-so͘ sèng-kok kiàn-tı̀,
Bān bı̂n khò Chú jı̍t-mı̂ kèng -hōng,
Siōng-tè kàm-la̍p hoaⁿ-hí.
