Si-phian tē jı̄-cha̍p-saⁿ phiⁿ

 1 Siōng-tè goân-pún sı̄ goá Bo̍k-chiá, 
  Siúⁿ-sù ta̍k-hāng kàu-gia̍h, 
  Chhin-chhiūⁿ chháu-po͘ hō͘ goá thang khiā, 
  Khoe-chúi chheng chēng lâi chia̍h. 
 2 In-ūi mô͘-kúi bê goá lêng-hûn. 
  Ū sı̂ khı̀ kiâⁿ sit chhò; 
  Siōng-tè hián-bêng chû-pi toā un, 
  Chhē goá koáⁿ-kín chài tò. 
 3 Sui-jiân kiâⁿ kàu sí toē só͘-chāi, 
  Goá ia̍h m̄ sái tio̍h kiaⁿ; 
  Siōng-tè pó-pı̀ boē oē siū hāi, 
  Hō͘ goá an-ún khı̀ kiâⁿ. 
 4 Siōng-tè phoà-khui tùi-te̍k ê kè, 
  Siat-iân pó goá sı̀ⁿ-miā, 
  Toh pâi moá-moá bô tè thang hē, 
  Hok-khı̀ bô khiàm chı̍t-kiāⁿ. 
 5 Siōng-tè khoán-thāi án-ni ê hó, 
  Goá sim m̄-káⁿ bōng un; 
  Chı̄n chı̍t-sı̀-lâng kiâⁿ i chin-tō, 
  Sı̂-sı̂ khek-khek lâi chun. 
 6 Gū-tio̍h kè-óng sı̂-jı̍t í-kàu, 
  Goá sin chı̍t sı̂ khùi-tn̄g; 
  Lêng-hûn seng kàu Iâ-so͘ i tau, 
  Éng-oán tı̄ hí thiⁿ-tn̂g.