Tng sı̀-pah-nı̂ ê goā lâi thóng-tı̄ pek Tâi-oân koa-iâu nǹg jı̍p “saⁿ-siaⁿ-bô-nāi” ê sí-kak ê sı̂,
Lán ê kàu-hoē teh chhiùⁿ siáⁿ-mı̍h khoán ê koa.
Tng Tâi-oân lâng poa̍h lo̍h tı̄ chhńg ke-kut ê koân-io̍k hām-chéⁿ ê sı̂,
Lán ê kàu-hoē ēng siáⁿ-mı̍h khoán ê hêng tōng teh kóng oē.
Tng hi-phàng ê keng-chè ké-siōng toà Tâi-oân lâng kiâⁿ jı̍p hióng-lo̍k-chú-gı̄ ê oa̍h-tauh ê sı̂,
Lán ê kàu-hoē teh koè siáⁿ-mı̍h khoán ê seng-oa̍h!
Tng Tâi-oân ê biō-ú chı̍t-keng pí chı̍t-keng koh khah chhiâⁿ-iāⁿ ê sı̂,
Lán ê kàu-hoē ēng siáⁿ-mı̍h khoán ê chu-thài chhāi tı̄ lō͘-thâu.
Tng cho̍k-kûn kiōng-hô ê kak-chhéⁿ chiām chiām phû chhut chúi-bı̄n ê sı̂,
Lán ê kàu-hoē teh thoân siáⁿ-mı̍h khoán ê hok-im.
Tng bı̄n tùi chiah ê būn-tê, goá ê sim-hiân iû-goân bē tín bē tāng ê sı̂,
Goá chiū chai iáⁿ, Ki-tok ê hok-im beh tı̄ chit-tè thó͘-tē tèng kin sı̄
Khah-chá khùn khah ū bı̂n!
(Tâi-oân Kàu-hoē Kong-pò tē 2181 kı̂, 1993 nı̂ 12 goe̍h)
