Sin-nı̂ ê Si
Sin-nı̂ ê Si
siu-kái“Siōng-tè, goán ê Siōng-tè, jı̍t goe̍h ku8-tn̂g, tek-khak chiàu-kè goán, kàu sí bô soah” －Si-phian 48: 14.
1.Chú ū in-tián toā chû-pi,
Hō͘ goán an-jiân koè chı̍t-nı̂.
Goán taⁿ kám-siā ēng sêng-sim,
Chhiáⁿ Chú Iâ-so͘ thiaⁿ goán gı̂m.
2.Choē-koà chē-chē kau-tāi lí,
Sı̄ li tiâu-lâi thè goán sí .
Koè-sin tāi-chı̀ pàng chı̍t pêng,
N̄g-bāng êng-kng tı̍t chin8-chêng .
3.Boē lâi tāi-chı̀ chin o͘-àm,
Goān Chú chhoā goán kàu lō͘-chām;
Tú-tio̍h tùi-te̍k hiông-ok lâi,
Chú lí chān goán kap i thâi.
4.Ū-sı̂ loán-jio̍k kap iu-būn,
Kiû Chú kian-kò͘ goán sı̂n-hûn;
Kiâⁿ kàu khòng-iá toā soa-po͘,
Jı̄n Chú éng-oa̍h chin ê lō͘.
5.Sí-sit ê lō͘ thang kiaⁿ-hiâⁿ,
Kin-nı̂ chı̄-chūi tio̍h seng kiâⁿ ?
Thiⁿ-pē goān lí toā kàng-lı̂m,
Lı̂m-chiong an-ùi i-ê sim.
6.Hō͘ goán chheng-sim kap sı̀n-sı̍t,
Hō͘ goán kap Chú ná chhin-bı̍t.
Chān goán khùi-la̍t gâu un-jiû,
Kham tı̀ èng-ún ê bián-liû.
7.Thang siū in tı̄ bêng-kiong-lāi,
Toā chheng-chàn im-ūn hô-hâi,
O-ló Chú-cháiⁿ tiàm thian-tông,
Bān-chú ê Chú, ông ê Ông .
(Tâi-oân Hú-siâⁿ Kàu-hoē-pò tē 94 koàn, 1893 nı̂ 2 ge̍h)