Sin hoan-e̍k ê Si

1.Iâ-so͘ sı̂-siông tı̄ goá sin-piⁿ,
  Sı̍t-chāi thiàⁿ goá kàu ke̍k,
  Chêng-goān lı̄-khui thiⁿ-téng hù-kùi,
  Kò͘ goán sè-kiáⁿ chı̄n-le̍k.

2.Li ê bı̄n-māu êng-kng chhàn-lān,
  Kı̄n-oá, goá khoàⁿ bē kı̀ⁿ,
  Sui-bóng sè-siaⁿ kap goá kóng-oē,
  Goá thiaⁿ lóng bô jı̍p hı̄ⁿ.

3.Chú Lí ê chhiú kı̄n oá tı̄ goá,
  Hián-chhut chû-pi thiàⁿ-thàng,
  Chhin-chhiūⁿ pē-bó ài khan sè-kiáⁿ,
  Hō͘ goá ē-tit chiâⁿ lâng.

4. Tı̄ goá sim-lāi sı̄ Lí teh toà,
  Chān goá iâⁿ-koè tùi-te̍k,
  Goá thiàⁿ Siōng-tè ka-tı̄ ē chai,
  Chú ê jı̂n-ài bû-ke̍k.

5.Siat-sú chá-àm kūi-lo̍h kı̂-tó,
  Kap Lí kau-poê kiû in,
  Sèng-sı̂n khiā-khí tı̄ goá sim-lāi,
  Kan-chèng Kiù-chú chhin-kı̄n.

6.Chiū-kı̄n Siōng-tè hit-sı̂ Kiù-chú,
  Thè goá pek-chhiat kı̂-tó,
  Goá khùn lo̍h bı̂n Iâ-so͘ éng-chhíⁿ,
  Kò͘ goá pēng bô hoân-ló.

(Tâi-oân Hú-siâⁿ Kàu-hoē-pò tē 149 koàn, 1897 nı̂ 8 ge̍h)

Sin hoan-e̍k ê Si

1.Sè-kiáⁿ chū-hoē tio̍h khiam-pi,
  Chiū-kı̄n lān Chú o-ló I,
  Chú Iâ-so͘ chı̀-chun chı̀-sèng,
  Lán tio̍h khiân-sim lâi kiong-kèng.

2.Lán sim-koaⁿ tio̍h siàu-liām Chú,
  Ia̍h siūⁿ Thian-tông ke̍k hù-jū;
  Lán kha só͘ kiâⁿ, chhiú só͘ chò,
  Hō͘ i teh khoàⁿ thang o-ló.

3.Êng-kng chhàn-lān toā Chú-cháiⁿ
  Khoàⁿ I sè-kiáⁿ ta̍k hāng chai,
  Chá-àm só͘ siūⁿ ê sim-liām,
  Hō͘ I séng-chhat lâi koè-giām.

4.Kiû Lí sià-choē, koh si-in,
  Chān goán jı̍t-jı̍t oāⁿ chò sin:
  Chhoā goán kiâⁿ-lō͘ kàu Thiⁿ-siâⁿ,
  O-ló chheng-ho͘ Chú toā-miâ.

(Tâi-oân Hú-siâⁿ Kàu-hoē-pò tē 151 koàn, 1897 nı̂ 10 ge̍h)