Soaⁿ Ē Háu
Koeh Hong-ian goân chok
Siá-tı̄ Tâi-oân 920 toā tē-tāng liáu-āu
Soaⁿ ē háu
Che sı̄ chı̍t ê kan-sia̍p soaⁿ ê kò͘-sū,
Chı̍t ê soaⁿ-pang tē-lı̍h,
Kúi-khàu sı̂n-háu ê kò͘-sū.
Tı̄ Chuo-cho̍k ê sı̂n-oē lāi-té:
Kó͘-chá kó͘-chá í-chêng,
Nivenu sı̂n kái-chō sè-kài,
I sak-tó soaⁿ-ga̍k, thia̍p-pêⁿ soaⁿ-khàm,
Soaⁿ-pang tē-lı̍h,
Jiân-āu,
I chhòng-chō chhut chı̍t tè lo̍k-thó͘,
Chı̍t ê bí-lē-tó.
Bí-lē ê pó-tó, ū bí-lē ê sı̀ⁿ-miā,
Cháu-poe ê hoe-lo̍k,
Phiau-bú ê hô͘-tia̍p,
Thun-lún ê sı̂n-bo̍k,
Ióng-kiāⁿ ê goân-chū-bı̂n,
Kúi chheng-nı̂ lâi,
In tı̄ chit tè lo̍k-thó͘ téng kiōng-chûn.
M̄-kú kin-á-jı̍t,
Bí-lē khiok kan-taⁿ sı̄ chı̍t ê hoàn-bāng,
Thiⁿ bô koh chài chhùi-nâ,
Thó͘-tē chhiong-boán ù-jiám,
Khong-khı̀ hō͘ lâng bē chhoán-khùi,
Hûn-pà bô koh chài chhut-hiān tı̄ lán ê soaⁿ-lı̂m,
Pó-tó put-kò sı̄ tham-hàu koè-kheh ê thia̍p-kha..ê,
Hō͘ in thâi-koah kah kui seng-khu choân siong.
Chhùi-kô͘-kô͘ ê soaⁿ-hô ,
Chhùi-kô͘-kô͘ ê sim-tı̀,
Chhùi-kô͘-kô͘ ê siā-hoē,
Jiân-āu,
Nivenu sı̂n koh chài lêng-siàⁿ,
I koh chiong soaⁿ-ga̍k sak-tó,
Chiong soaⁿ-khàm thia̍p-pêⁿ,
Pó-tó ê soaⁿ, koh teh cháu--ah!
Pó-tó ê soan, koh teh háu--ah!
M̄-kú m̄-bián kiaⁿ ,
Soaⁿ ē háu,
M̄ sı̄ pò-ho̍k,
Khiok sı̄ Nivenu sı̂n ê hoah-kiò,
Tāi-piáu sin sı̀ⁿ-miā ê khai-sí,
Thó͘-tē sı̄ sı̀ⁿ-miā ê goân-thâu ,
I chhin-chhiūⁿ lán ê bó-chhin,
I hō͘ lán bô hān ê ài,
M̄-kú mā su-iàu lán ê tùi-tiōng kap thiàⁿ-sioh,
Nivenu sı̂n ê chí-ı̀,
Chı̍t ê sin-siⁿ ê pó-tó,
M̄-nā sı̄ bí-bāng,
Koh sı̄ jı̂n-lūi ài-sim, ióng-khı̀,
kap tı̀-hūi ê kiat-chiⁿ.
Sı̄--ah,
Tı̄ hoè-hi--nı̍h chò-hoé thı̂-khàu,
Lán chhoē tio̍h koan-hoâi, le̍k-liōng ,
kap ǹg-bāng,
Sı̀ⁿ-miā ê bí-lē,
Goân-lâi m̄ sı̄ tı̄ ta̍k sı̀ⁿ-miā ê chhàn-lān,
Khiok sı̄ tı̄ choē-choē biáu-siáu sı̀ⁿ-miā ê
sio-kēng sio-thı̄n,
Chū-chı̍p só͘ chiâⁿ..ê, sı̄ goā-á --nı̍h úi-tāi.
Sı̄--ah,
Ài-sim,
Ióng-khı̀,
Tı̀-hūi,
Chiong hō͘ pó-tó têng-thâu-siⁿ,
Chiong hō͘ lo̍k-thó͘ koh chı̍t pái
chhiong-moá tio̍h bí-lē ê sı̀ⁿ-miā.
(Tâi-oân-jı̄ cha̍p-chı̀ tē 1 kı̂, 2000 nı̂ 5 ge̍h)
