1. Chúi-kím hoe (chi-1)
Chúi-kím khui-hoe pe̍h-pho-pho
Pat-sian koè hái Nâ Chhái-hô
Chin miâⁿ chiàⁿ sèⁿ kā ko pò
Bián-tit hō͘ ko khı̀ chhoē-bô
2. Chúi-kím hoe (chi-2)
Chúi-kím khui-hoe pe̍h-chhang-chhang
Ko ah seⁿ súi chin hāi lâng
Chı̍t nı̂ hiâu chheng kah hiâu bān
Chhái liáu hoe-sim koè pa̍t-châng
3. Chúi-kím hoe (chi-3)
Chúi-kím khui-hoe pe̍h-chhai-chhai
Chhiū-sûi khui-hoe bô lâng chai
Niû ah boē toā siūⁿ beh pháiⁿ
Khí hong lo̍h hō͘ lí chiū chai
4. Mō-lı̄ hoe
Mō-lı̄ khui-hoe pe̍h-si-si
Siáⁿ lâng hiâu-sim lō͘-pōng-si
Sı̄ lí tong-chho͘ tùi-bı̄n kóng
Kóng beh kah goán kiat pah nı̂
5. Lí ah
Lí ah beh chia̍h lia̍p lia̍p sng
Pang-kiô tùi-bı̄n sı̄ Sin-chng
Niû ah seⁿ chò chiah iù-Ńg
Chhùi-piⁿ lâi chim khah tiⁿ thn̂g
6. Thô͘-tāu
Thô͘-tāu beh chia̍h lia̍p lia̍p phang
Ngiâ-sin khı̀-kū m̄-sı̄ lâng
Ǹg-bāng hiaⁿ-ko saⁿ thiàⁿ-thàng
Thiàⁿ-thàng goán sin pô-niû-lâng
7. Tek-sún (chi-1)
Tek-sún lı̄ thô͘ ba̍k-ba̍k koa
Thô͘-tāu khui-hoe tèng lo̍h soa
Sin-piⁿ bô niû thang i-oá
Chı̍t-sin siūⁿ sí khah khoàⁿ-oa̍h
8. Tek-sún (chi-2)
Tek-sún lı̄ thô͘ chat-chat koa
Î-san tó-hái Hân Lê-hoa
Sin-ê lâi kau kū pàng-lı̄
Gêng-sin khı̀-kū bô nāi-hô
9. A-niû (chi-1)
Jı̍t-jı̍t iā-iā teh su-siūⁿ
Su-su siūⁿ-siūⁿ niû ke-hiuⁿ
Sı̂-sı̂ khek-khek teh su-siūⁿ
Sim-sim liām-liām goá a-niû
10. A-niû (chi-2)
Niû-ah seⁿ súi cha̍p-jı̄ hun
Khoàⁿ niû kiâⁿ-lō͘ goe̍h koè hûn
Lāi-káng bô lâng thang pí lūn
Khah súi Hàn-tiâu Ông Chiau-kun
11. A-niû (chi-3)
Tē-it léng-lı̄ chiū-sı̄ niû
Bô koân bô kē hó seⁿ-tiuⁿ
Bô lâng kah niû saⁿ chhin-chhiūⁿ
Khah súi kiaⁿ-siâⁿ hông-tè-niû
12. A-hiaⁿ
Hoân-hoân ló-ló sim bô tiāⁿ
Sim-tiong siáu-loān bô-sim-chiâⁿ
Lâi-lâi khı̀-khı̀ niû ê miāⁿ
Ì-ı̀ ài-ài sı̄ a-hiaⁿ
13. Eng-giáu-thô
Chı̍t pân hó-hoe Eng-giáu-thô
Chhun-pān chı̍t lúi beh hō͘ ko
Sı̄ ko kı̀m chhùi m̄-káⁿ thó
11. Ū chhun ko gia̍h bián kiaⁿ bô
14. Chhù-piⁿ
Beh chia̍h hı̂-chho kı̄n hái-kı̂ⁿ
Beh kau niû-ah tio̍h chhù-piⁿ
Chhut-chhut jı̍p-jı̍p thang saⁿ-kı̀ⁿ
Khah hó im-kan sio khò͘-chı̂ⁿ
15. Bó͘-tan hoe
Niû-ah seⁿ-chò chiâⁿ hó-thé
Khah hó kiaⁿ siâⁿ bó͘-tan hoe
Sı̄ ko kin-nı̂ khah liông-poē
M̄ káⁿ kah niû lí kau-poê
16. Hâm chhiò hoe
Hâm chhiò khui-hoe sêng Bo̍k-pit
Kap niû siong-hó chhin bı̍t-bı̍t
Niû lâi ko khı̀ put-chiap-it
Put-jû lâi chhoā khah tiâu-tı̍t
(Tâi-oân Gú-bûn goe̍h-pò tē 1 hō, 1977 nı̂ 5 goe̍h)
