Tâi-oân-lâng siáⁿ-mı̍h sı̂-chūn oē siūⁿ beh gia̍h thâu lâi khoàⁿ thiⁿ,
Tâi-oân-lâng siáⁿ-mı̍h sı̂-chūn oē siūⁿ beh chhun chhiú lâi bong chit tè thó͘-tē,
Tâi-oân-lâng hoaⁿ-hí ê sı̂ lóng teh chhiùⁿ siáⁿ-mı̍h khoán ê koa,
Tâi-oân-lâng iu-siong ê sı̂ lóng teh khàu siáⁿ-mı̍h khoán ê tiāu,
Tâi-oân-lâng ū chı̂ⁿ ê sı̂ lóng khai tùi tó-ūi khı̀,
Tâi-oân-lâng bô chı̂ⁿ ê sı̂ lóng teh pı̀ⁿ siáⁿ-mı̍h lián,
Tâi-oân-lâng jı̍t--sı̂ bô-êng-chhih-chhih ūi-tio̍h siáⁿ-hoè teh cháu-chông,
Tâi-oân-lâng mı̂--sı̂ tó tı̄ chhn̂g-nih lóng teh chò siáⁿ khoán bı̂n-bāng,
Tâi-oân-lâng siⁿ chêng siōng ài chek-chū-ê sı̄ siáⁿ-mı̍h,
Tâi-oân-lâng sí āu lâu siáⁿ hoè hō͘ i ê kiáⁿ-sun.
(Gân Sı̀n-seng Tâi-gí Bûn-ha̍k soán, 2002 nı̂ Chin-pêng Khı̀-gia̍p Chhut-pán)
