1. Kàu-hoē ba̍k-chêng kı̍p-bū,
Chiū-sı̄ lâm-lú chhin-sū,
Kàu-hoē nā beh chín-heng,
Tio̍h tı̀-ı̀ koan-sim,
Sı̀n-tô͘ kiat-hun sı̂n-sèng,
M̄-thang lām-sám chı̀n-hêng,
So͘-í lán chò pē-bó,
Tio̍h thoè in in kı̂-tó.
Hô M̄-thang chhoā sè-sio̍k,
M̄-thang kè sè-sio̍k,
Kiaⁿ-liáu sı̀n-gióng bô tâng,
Kàu boé pháiⁿ kiat-kio̍k,
Tio̍h chhoā tông-sı̀n moē,
Tio̍h kè tông-sı̀n hiaⁿ,
Sı̍t-hêng sı̀n-sim saⁿ-thiàⁿ,
Êng-kng kui Chú miâ.
2. Kàu-hoē lâm-lú chheng-liân,
Lín tio̍h sı̀n-sim hiòng-chiân,
It-seng iàu-kín chhin-sū,
Kı̂-tó kau-tài Chú,
M̄-thang lām-sám loân-ài,
Ha̍k-sı̍p siâ-ok sı̂-tāi,
Kàu-boé ka-têng put-moá,
Sún-sit chin-chiàⁿ toā.
3. Kàu-hoē bo̍k-su tióng-chı̍p,
Hiaⁿ-ché ia̍h tio̍h ha̍k-sı̍p,
Ūi-tio̍h lâm-lú chheng-liân.
Kài-siāu m̄-thang siān,
Kó͘-bú tông-sı̀n kiat-hun,
Sán-seng sı̀n-gióng kiáⁿ-sun,
Kok ka-têng Ki-tok hoà,
Kàu-hoē ná tióng-toā.
(Tâi-oân Kàu-hoē Kong-pò, Tē 823 kı̂, 1957 nı̂ 7 goe̍h)
