I-seng chín-toān goá ê ba̍k-chiu
Khiàm-khoat chè-chō ba̍k-sái ê kong-lêng
I khǹg mı̍h-kiāⁿ jı̍p-khı̀ ba̍k-chiu
Hō͘ i tiam-tiam
Chı̀-khek khoàⁿ ū hoat-tō͘ tih chı̍t tih bô
Kiat-kó goá ê ba̍k-chiu tiam kah beh khàu
Bô poàⁿ-tih ba̍k-sái
Choè-kı̄n kò͘-hiong SARS e̍k-chêng thoàⁿ-khui
Kò͘-hiong bô-tāi bô-chı̀ tà jı̍p-khı̀ o͘-hûn
Pēⁿ-ı̄ⁿ hong-ı̄ⁿ
Hō͘-sū kám-jiám sí-bông
I-seng kám-jiám pı̄ⁿ-gûi
Chı̍t keng pēⁿ-ı̄ⁿ thoaⁿ-koe chı̍t keng
Tiān-sı̄ sin-bûn
Long-sı̄ chia tio̍h hia tio̍h e khiong-hong
Keh-lı̄ ê jı̂n-sò͘ ta̍k-jı̍t cheng-ka
Sí-sit ê jı̂n-sò͘ ta̍k-jı̍t to ū
Goá ê ba̍k-sái ùi sin-bûn chú-pò
Chheng-siù ê bı̄n lâu--chhut-lâi
Lâu kah ba̍k-kiàⁿ chiâu bū
Lâu kah tiān-sı̄ oē-bı̄n chhı̂-chhı̂
Lâu kah sin-bûn chú-pò
Chheng-chhui e siaⁿ pian ang
Nâ-âu-kńg tı̄ⁿ--khí-lâi
Hô-pêng pēⁿ-ı̄ⁿ hong-ı̄ⁿ 14-kang
Ta̍k-jı̍t goá tı̄ tiān-sı̄-ki thâu-chêng
