Tē-jı̄ chiuⁿ Lūn Hàu-kèng Pē-bú
Goá Ǹg-bāng Kı̀ⁿ Lāu-bú ê Bı̄n
Ū chı̍t chiah hé-chûn hut-jiân kha̍p tio̍h chio̍h, chêng-āu lóng phoà kàu chhùi-chhùi, teh-beh tı̂m--lo̍h-khı̀. Lāi-bı̄n koán-chhia ê lâng hit sı̂ hoān-tio̍h pı̄ⁿ. Chı̍t ê thiaⁿ-kı̀ⁿ tú-tio̍h gûi-hiám, thong seng- khu ngia̍uh-ngia̍uh-chhoah, hoat-chhut pi-ai ê siaⁿ kóng, "Goá ǹg-bāng oē kı̀ⁿ-tio̍h lāu-bú, goá ǹg- bāng oē kı̀ⁿ-tio̍h lāu-bú."
Chı̍t ê lāu chúi-siú tú-á tı̄ piⁿ-á teh tha̍k Sèng- keng, mn̄g i kóng, "Lí in-ūi cháiⁿ-iūⁿ koà-liām lāu- bú?" Ìn kóng, "Goá bat hō͘ i kan-khó͘, hō͘ i ê sim chha-put-to beh piak phoà, taⁿ goá teh-beh sí, sim-lāi boē pêng-an. Kı̀-tit ū chı̍t pái goá tùi lāu- bú hui-siông ê hêng-ge̍k. I kóng, 'Lí kàu beh sí ê sı̂, tek-khak tio̍h hoán-hoé.' Kin-á-jı̍t sí-kı̂ kàu, goá sı̍t-chāi beh hoán-hoé, ai-ioh, goá ǹg-bāng kı̀ⁿ goá ê lāu-bú, goá ǹg-bāng kı̀ⁿ goá ê lāu-bú."
Chûn chiām-chiām tı̂m--lo̍h-khı̀, âu-kiò ê siaⁿ-im, iā chiām-chiām bô thiaⁿ-kı̀ⁿ.
Hāiⁿ-ah! Ū joā-choē siàu-liân lâng, pêng-jı̍t khoàⁿ- khin lāu-bú, kàu beh sí ê sı̂ chiah beh hoán-hoé, í- keng tui boē tio̍h lah. Hoān-nā ū pē-bú ê pêng-iú, tio̍h thàn chá hàu-kèng, bián-tit ū āu-lâi ê hoán-hoé.
Gín-ná Kiù Lāu-pē
Lâm-Hui-chiu ū chı̍t-ê sı̀ⁿ Úi --ê, pêng-sò͘ m̄ bat chin-lí kap kàu-hoē ê sū. I ū siⁿ nn̄g ê kiáⁿ, toā--ê poeh hè sı̄ ta-po--ê, soè--ê la̍k hè sı̄ cha-bó͘ ê.
Ū lâng khǹg i tio̍h hō͘ gín-ná khı̀ kàu-hoē ê o̍h tha̍k-chheh. Sı̀ⁿ Úi --ê sui-jiân m̄ chai kàu-hoē ê o̍h- kui, chóng--sı̄ in-ūi pêng-iú khó͘-khǹg ê oē, chiū sàng hit nn̄g ê gín-ná khı̀ lo̍h-o̍h. Nā-sı̄ chit keng o̍h-tn̂g lı̄ sı̀ⁿ Úi --ê ke hn̄g-hn̄g, gín-ná put-piān ta̍k jı̍t tò-lâi. Só͘-í tio̍h oá o̍h-tn̂g chı̍t ê bo̍k-su ê ke chia̍h.
Chhin-chhiūⁿ án-ni chiok-chiok ū nn̄g nı̂ kú. Āu--lâi sı̀ⁿ Úi--ê chiū beh khı̀ chhoā gín-ná tò-lâi ke-lāi, chiūⁿ soaⁿ kò͘ iûⁿ. Nā-sı̄ chit nn̄g ê gín-ná put-chí ài tha̍k-chheh, m̄ ài tò-lâi ke-lāi.
Tı̄ hit ê bo̍k-su ê ke, in iā o̍h kàu oē hiáu thiàⁿ Chú Iâ-so͘. Gín-ná tùi lāu-pē kóng bêng m̄ ài tò- lâi ê in-iû, chiū kóng, "Chhiáⁿ lāu-pē hō͘ goán toà chia, goán tò-khı̀ ke-lāi boē o̍h sím-mı̍h hó." Lāu- pē kóng, "Lí sı̄ soè-hàn gín-ná oē hiáu o̍h sím-mı̍h hó-sū? Tı̄ chia lí ū o̍h sím-mı̍h hó?"
Gín-ná ı̀n kóng, "Goán í-keng o̍h tām-po̍h." Lāu-pē kóng, "Lín o̍h sím-mı̍h? Kóng hō͘ goá thiaⁿ."
Ìn kóng, "O̍h chı̍t ê hó ê toê-ba̍k; chit ê toê-ba̍k pí pa̍t ê khah pó-kùi, chiū-sı̄, 'Chú Iâ-so͘ lı̂m-kàu sè-kan, tiâu-tı̂ ūi-tio̍h kiù ū choē ê lâng.' Goá chai Iâ-so͘ sı̄ chı̄-chūi, chiū sı̄ Chı̀-koâiⁿ --ê ê Kiáⁿ, goá iā chai lán lóng sı̄ ū choē ê lâng, beh kiù ka-kı̄ lóng boē oē."
I ê pē thiaⁿ-kı̀ⁿ chit ê oē, put-chí siū kám-tōng, tò-lâi ke-nih, koé-piàn i ê sèng-chêng, chiâⁿ choè sin ê lâng, kap kiáⁿ cha-bó͘-kiáⁿ tit-tio̍h tâng chı̍t-iūⁿ ê khoài-lo̍k, sí-āu tâng kàu chit só͘-chāi.
Kèng pē-bú sı̄ iàu-kín ê kài-bēng, chín-kiù pē- bú koh-khah sı̄ iàu-kín ê tō-lí.
Hek-tek Tha̍k Lāu-bú ê Phoe
Su Kok-ki sı̄ So͘-kek-lân ê bo̍k-su. Ū chı̍t jı̍t kóng tō-lí, kóng kàu chı̍t ê siàu-liân lâng m̄-ài tı̄ ke-lāi siú pē-bú ê iok-sok, chiū thau cháu jı̍p Lûn- tun siâⁿ khı̀ tng peng. Āu-lâi siū phài khı̀ Ìn-tō͘ tı̀n-siú.
I ê lāu-bú thiaⁿ-kı̀ⁿ, sim chhin-chhiūⁿ beh piak- lı̍h. Thàm-thiaⁿ chai i ê só͘-chāi, chiū siông-siông siá phoe khı̀ kà-sı̄ i, an-ùi i, ta̍k tiuⁿ phoe lāi moá- moá sı̄ chû-ài ê oē. Nā-sı̄ siàu-liân ê Hek-tek pí tı̄ ke-lāi koh-khah hòng-tōng. Ta̍k pái khoàⁿ-kı̀ⁿ phoe lāi ū tō-lí ê oē, chiū hiâm bô chhù-bı̄. Hê phoe kóng, "Āu pái koh siá chit hō phoe, tiāⁿ-tio̍h m̄ khoàⁿ, iā tek-khak m̄ hê." I ê lāu-bú ê sim khoan-iông thun-lún, iû-goân chiàu siông siá.
Tùi chit-tia̍p liáu-āu Hek-tek it-khài bô thiah khui phoe lâi khoàⁿ. Bô kúi ge̍h-jı̍t chek-chū phoe kàu kúi-nā cha̍p tiuⁿ.
Siōng-tè beh kéng-kài i ê jı̍t kàu lah, chiū hō͘ i jiám-tio̍h jia̍t-pı̄ⁿ, tó chhn̂g boē khí-lâi, cha̍p-goā jı̍t lóng bô lim bô chia̍h. Ū chı̍t ê peng thâu thiaⁿ- kı̀ⁿ chiū khó-lı̂n i, kàu i ê bı̂n-chhn̂g piⁿ ēng un- jiû ê oē an-ùi i. Khui Sèng-keng tú-á beh liām, Hek-tek kóng, "Chhiáⁿ khui goá ê siuⁿ, the̍h goá ê lāu-bú ê phoe, tha̍k hō͘ goá thiaⁿ."
Peng-thâu thiah khui tē-it tiuⁿ tha̍k kóng, "Goá ê kiáⁿ siu. Siat-sú lí m̄ ài tng-peng, ài kín-kín tò- tńg, goá í-keng pı̄-pān chı̂ⁿ-gûn piān-piān." Hek- tek kóng, "Kó-jiân sı̄ chin ê oē mah? Lâi-bı̄n ū chı̂ⁿ mah?" Peng-thâu kóng, "Ū, chiū thiu chhut chı̍t tiuⁿ gûn-choá hō͘ i khoàⁿ."
Hek-tek toā thó͘-khùi kóng, "Goá nā chá-chá khoàⁿ chit tiuⁿ phoe, chit-tia̍p í-keng tò-khı̀ tı̄ So͘- kek-lâu lah, bô tı̄ chia tó-teh." Chhiú the̍h gûn- phiò, khàu kàu chı̍t tǹg-á pá.
Kúi-nā jı̍t āu chiū sí. Kiáⁿ lı̄-khui lāu-bú, lāu- bú siông-siông teh iu-būn. Ū choē ê lâng poē-ge̍k, Chú koh-khah koà liām. Boē kı̀-tit lāu-bú ê lâng chin chiàⁿ thang khó-lı̂n. Poē-ge̍k Chú ê lâng koh- khah thang khó-lı̂n.
An-ná Ài-mûi ê Sū
Bí-kok bó͘ só͘-chāi ū chí-bē nn̄g lâng sı̀ⁿ Gúi. Toā ê miâ An-ná, i chin gâu siú pún-hūn, siông- siông pang-chān lāu-bú piàⁿ-sàu ke-lāi; thong sin ê chng-thāⁿ, hui-siông ê phò-sı̍t. Ū sı̂ chiū bat kóng, "Goá bô phah-sǹg beh kè, in-ūi bô lâng ài goá choè i ê bó͘. Goá ê sió-bē pí goá khah súi, lâng lóng khah thiàⁿ i."
Lāu-bú chek-pı̄ i kóng, "Goá ê cha-bó͘-kiáⁿ bo̍h- tit kóng chhut chit hō oē, bo̍h-tit chhı̀n-chhái siūⁿ, tio̍h an sim chiong hit hāng sū kau-tài Siōng-tè." Chit hō ê oē siông-siông tı̄ lāu-bú ê chhùi. Tē jı̄ cha-bó͘-kiáⁿ miâ Ài-mûi, i khah sò sèng koh m̄ ài choè kang, choan-choan ài thit-thô. Pit-gia̍p liáu-āu ài chū-iû, só͘ tit-tio̍h ê chı̂ⁿ lóng chéng i- chiûⁿ, ū tam-po̍h êng chiū chng-thāⁿ i ê thâu-mn̂g. Ta̍k jı̍t toâⁿ-khı̂m phah-kiû, tùi chá-khí kàu ê- hng lóng sı̄ án-ni.
Ū chı̍t jı̍t Tiuⁿ Sian-siⁿ kàu Gūi the̍h chē, khoàⁿ- kı̀ⁿ chí nn̄g ê cha-bó͘ gín-ná, lóng chin kah lâng ê ı̀, sim-lāi siūⁿ, lāi-tiong ū chı̍t ūi thang choè i ê sim-pū.
Tò-lâi kā i ê bó͘ kóng. Bó͘ kóng, "Goá beh tāi- seng khı̀ khoàⁿ, āu-lâi chiah tiāⁿ-tio̍h." Tùi án-ni tē-jı̄ jı̍t Tiuⁿ hu-jı̂n iā kàu Gūi the̍h, Gūi hu-jı̂n chhoā i kàu kheh-thiaⁿ, bēng-lēng nn̄g ê cha-bó͘-kiáⁿ pı̄-pān tê lâi chhiáⁿ i.
An-ná kóng, "A-bú, goá beh pı̄-pān." Koh tia̍p- á-kú, tê tiám-sim lóng phâng lâi. Ài-mûi khı̀ chē tı̄ Tiuⁿ hu-jı̂n ê sin-piⁿ, hián-chhut i ê lêng-lāi koh khı̀ toâⁿ tâng-soàⁿ khı̂m, toâⁿ kàu tin-tin tong- tong.
Tiuⁿ hu-jı̂n khoàⁿ i ê táⁿ-pān, chai i ê chhang- miâ, chóng--sı̄ ba̍k-chiu tiāⁿ-tiāⁿ khoàⁿ An-ná, lóng bô khoàⁿ Ài-mûi, in-ūi khoàⁿ An-ná nā choè-kheh, oē hiáu chai khiām-séng, it-chhè ê ke-sū oē chiàu chhù-sū liāu-lí.
Ài-mı̂ khoàⁿ-kı̀ⁿ Tiuⁿ hu-jı̂n thiàⁿ i ê toā-chí, chiū toā-toā sóng-sit i ê sim, ka-kı̄ kóng, " In-ūi cháiⁿ-iūⁿ i bô thiàⁿ goá? Lâng lóng kóng goá pí toā- chí khah súi. Tiuⁿ hu-jı̂n in-ūi cháiⁿ-iūⁿ tùi-hoán?"
I ê lāu-bú kóng, "Tiuⁿ hu-jı̂n beh kā i kiáⁿ chhē chı̍t ê ū lō͘-ēng ê bó͘, bô beh chhē chı̍t ê hó khoàⁿ--ê. Lâng gâu choè kang thang tùi-tiōng, lâng kan-ta hó khoàⁿ bô lō͘-ēng." Chiū kah Ài-mûi tio̍h koé chêng ê m̄-tio̍h, chı̄n sim choè kang, tek-khak ū kun-chú ài kiû.
Tiong-kok ê hong-sio̍k, chiām-chiām teh kái- liông, kiáⁿ m̄ ài pē-bú thoè i kéng phit-phoè, tio̍h thèng-hāu toā-hàn chiah ka-kı̄ tēng-chhin, che sı̍t- chāi sı̄ hó. To̍k-to̍k kéng ê sı̂, tio̍h ēng tek-hēng khûn-khiām choè iàu-kín, m̄-thang ēng súi ê bı̄n- māu lâi ka-kı̄ phiàn.
Nā choan-choan kiû hū-jı̂n-lâng ê súi, lóng bô iàu-kín tek-hēng, tiāⁿ-tio̍h m̄-sı̄ hó lâng. Chhiáⁿ khoàⁿ I Thê-mô͘-thài 2 : 9-11.
Thoè Pē Siū Hêng-hoa̍t
Se-le̍k chı̍t-chheng chhit-pah gō͘-cha̍p-la̍k nı̂, Hoat-kok lâm-sı̀, Iâ-so͘ kàu toā siū khún-pek. Sı̀n- tô͘ m̄-káⁿ hián-jiân chū-chı̍p lé-pài, ta̍k-pái kàu soaⁿ-tōng chhiū-nâ ê tiong-kan chiah káⁿ lâi chū- chı̍p.
Chit pái kúi-nā ê sı̀n-tô͘ tú-á beh chū-chı̍p, ū chı̍t ê siàu-liân lâng miâ kiò Hùi-pı̀ kóng, "Goá beh tò-khı̀ ke-lāi kiù goá ê lāu-pē, in-ūi tú-chiah khoàⁿ-kı̀ⁿ chı̍t-tūi peng tùi goán ê hiuⁿ-siā chhut, tek-khak sı̄ khı̀ lia̍h goá ê lāu-pē. I kin-nı̂ chhit- cha̍p hè lah, cháiⁿ-iūⁿ oē jím-tit kiaⁿ?" Kóng soah, chiū cháu tò-khı̀.
Kàu hiuⁿ-siā goā, kó-jiân khoàⁿ-kı̀ⁿ lāu-pē hō͘ peng thoa-khı̀. Hùi-pí chı̀n-chêng kóng, "Kam- goān chiong pún-sin lâi thoè lāu-pē." Peng-teng chiū ún i, nā-sı̄ i ê pē m̄ ún. Hùi-pí phō pē ê io-pō͘, chı̀n-chêng kiâⁿ kúi-nā pō͘, chiū kap i kóng lı̄-pia̍t ê oē chiah an-jiân siū-lia̍h lâi thoè i ê pē tam-tng kan-khó͘.
Peng-teng tùi án-ni chhiok-ba̍k tōng-sim, toā-toā siū kám-kek, sûi-sı̂ sià-bián hit lâng ê sí-choē, chí ū tēng koaiⁿ-kaⁿ la̍k nı̂ ê kú. Chit-tia̍p nā ū kiáⁿ hō miâ sı̄ sı̀n Chú--ê, bú-bān i ê lāu-pē --ê, khoàⁿ chit ê cháiⁿ-iūⁿ bô ka-kı̄ kéng- séng.
Mō͘-hiám Kiù Cha-bó͘-kiáⁿ
Ông Lia̍p-pek chı̍t jı̍t bêng-pe̍k i ê kang tò-lâi ke-nı̍h, hn̄g-hn̄g khoàⁿ-kı̀ⁿ ka-kı̄ ê chhù hé teh to̍h. Kàu kūn-chêng kó-jiân bô chhò. Sûn-kéng saⁿ-soà pûn sàu-kak; phah-hé ê lâng oe-khoeh siā chúi, nā-sı̄ hé ná to̍h ná ōng, chhù-téng chha-put-to sio beh liáu.
Ông Lia̍p-pek tı̄ bān lâng ê tiong-kan, khoàⁿ-kı̀ⁿ bó͘ kap kiáⁿ chá-chá siū kiù chhut chhù, sim í- keng pêng-an bô tāi-chı̀. Hut-jiân siūⁿ ū cha̍p chhit hè ê cha-bó͘-kiáⁿ bô tı̄-teh, m̄-chai ū lo̍h-lâi á-bô, chiū boē pàng-sim, chó-iū âu-kiò, kóng, "Goá ê cha-bó͘-kiáⁿ, lí tı̄ tah-lo̍h?"
Hoah kúi-nā siaⁿ, hut-jiân lâu-téng ı̀n siaⁿ kóng, "Pē-ah, goá tı̄ chia." Ông Lia̍p-pek kia̍h-thâu chı̍t ē khoàⁿ, khoàⁿ-kı̀ⁿ cha-bó͘-kiáⁿ tı̄ hé-ian ê thang- á téng, chē teh háu. I liâm-piⁿ chiū sūn chúi-kńg pê--khí-khı̀, khı̀ kiù i ê cha-bó͘-kiáⁿ lo̍h--lâi.
Che chin-chiàⁿ sı̄ chı̍t hāng gûi-hiám ê sū, chúi- kńg goân-lâi sı̄ ēng iân lâi chiap-- ê, pê ê sı̂, hut-jiân nā tn̄g chiū beh cháiⁿ-iūⁿ? Ông Lia̍p-pek in-ūi beh kiù i ê cha-bó͘-kiáⁿ, put-koán cháiⁿ-iūⁿ gûi-hiám, i chı̍t bı̄n pê, chı̍t bı̄n kı̂-tó, lō͘-bé chiū tit-tio̍h kiù i ê cha-bó͘-kiáⁿ.
M̄-ta̍t-nā Ông Lia̍p-pek oē choè chit ê sū. Hoān- nā choè pē--ê, lóng ū chit téng-hō ê thiàⁿ sim. M̄ chai choè cha-bó͘-kiáⁿ ê ū á bô?
Kiáⁿ Khàu Lāu-bú Siū Phah
Ū chı̍t ê chiú-koáⁿ lâng sí tı̄ Ko͘-pı̂n-ı̄ⁿ lāi. I lâu chı̍t ê kiáⁿ, bô chhin-lâng koh chió pêng-iú, só͘-í sàng-chòng ê sı̂ lóng bô lâng khı̀ sàng, chí-ū lâng chiong i ê sin-si hē tı̄ koan-lāi, chhı̀n-chhái-chhái chiū chhut-chòng.
Tng lâng beh tèng koan koà ê sı̂, i ê kiáⁿ hui- siông ê pi-ai, toā khàu kóng, "Goá beh khoàⁿ goá ê lāu-bú ê bı̄n." Ū chı̍t lâng ı̀n kóng, "Lí boē oē koh khoàⁿ-kı̀ⁿ, kín-kín khı̀." Gín-ná kóng, "Boē oē hō͘ goá khoàⁿ lāu-bú chı̍t-hun-cheng mah?"
Hit ê chân-jím ê lâng lóng bô khó-lı̂n gín-ná, hoán-tńg ēng chhiú phah koh mē. Gín-ná pi-siong thı̂-khàu, sim-koaⁿ chhin-chhiūⁿ beh lı̍h sı̂,jím boē-tiâu chiū chhut oàn-hūn ê oē kóng, "Nā goá chiâⁿ lâng, tiāⁿ-tio̍h beh thâi chit ê chân-jím ê lâng."
Kè choē-choē nı̂, tı̄ kong-tn̂g tiong ū chı̍t lâng í-keng siū tēng-choē, chiū beh siū hêng-hoa̍t. Sím- phoàⁿ koaⁿ lō͘-bé mn̄g kóng, "Bô lâng thoè i hun- sò͘ mah?" Ū chı̍t ê siàu-liân ê lu̍t-su, chiàu lí choè i hun-sò͘, kóng bêng oan-óng. Hit lâng tùi án-ni tit-tio̍h tháu-pàng, chiū cháu kàu lu̍t-su ê bı̄n- chêng, kóng, "Goān Thiⁿ Pē pò-tap --lí, chit ê un goá sı̍t-chāi bô hoat-tō͘ thang pò-tap." Lu̍t-su kóng. "Lí tio̍h kı̀-tit jı̄-cha̍p nı̂ chêng, bat phah chı̍t ê in-ūi sit-lo̍h lāu-bú pi-ai ê gín-ná, hit ê chiū- sı̄ goá. Khı̀ ah, tio̍h siàu-liām bô pē-bú ê gín-ná ê lâu ba̍k-sái lâi hó khoán-thāi i."
Lâng án-ni kiâⁿ, chiàⁿ-sı̄ chiong hé-thoàⁿ kui tui hē tı̄ tùi-te̍k ê thâu-khak téng.
Ko͘-toaⁿ bô pē-bú ê kiáⁿ, iáu-kú oē án-ni, lán chiah --ê tio̍h cháiⁿ-iūⁿ choè?
Chú thoè Koáⁿ-hū Chiàu-kò͘ Gín-ná
Bó͘ siâⁿ ū chı̍t ê jia̍t-sim ho̍k-sāi Chú ê chiú-koáⁿ lâng, i ū chı̍t ê kiáⁿ miâ kiò Chú-hí. Tiōng-hu tı̄- teh ê sı̂, oá-khò tiōng-hu lâi tō͘-jı̍t. Tiōng-hu sí, bú- kiáⁿ nn̄g lâng bô só͘ oá-khò, chí-ū jı̍t--sı̂ lāu-bú tio̍h kā lâng choé lú kang, ê-hng sı̂ chiah tò-lâi khoàⁿ- kò͘ i ê kiáⁿ.
Ū chı̍t jı̍t chiú-koáⁿ lâng chá-chá khí-lâi, kā gín- ná pı̄-pān chit jı̍t ê chia̍h-mı̍h, ka-kı̄ chiah chhut siâⁿ khı̀ hiuⁿ-siā kā lâng choè kang. Kàu ê-hng hong-hō͘ hut-jiân toā khí, kui ê-hng lo̍h bô soah. Koáⁿ-hū chiū hō͘ lâng lâu tiàm jı̂n-ke, boē oē tò- lâi chiàu-kò͘ gín-ná, sim-lāi chin kan-khó͘, cha̍p- hun ê koà-liām. Koh bô kau-tài chhù-piⁿ, bô tò- lâi ê sı̂ thang thoè chiàu-kò͘. Chó siūⁿ iū siūⁿ, lóng bô hoat tō͘, chí-ū chhiat-chhiat kiû Chú, thoè i chiàu-kò͘.
Hit ê-hng Chú-hí khoàⁿ thiⁿ sı̂ bô hó, siūⁿ lāu-bú tò-lâi tek-khak oē iân-chhiân, só͘-í chiū oá tı̄ bı̂n- chhn̂g-kak, lâi thèng-hāu lāu-bú tò-lâi. Thèng-hāu chin kú khoàⁿ i bô tò-lâi, sim lāi chin kiaⁿ chiū tı̄ bı̂n-chhn̂g-piⁿ soà khùn--khı̀. Hut-jiân bāng-kı̀ⁿ ū siaⁿ kóng, "Chú-hí, lí teh khùn mah? Lí bô kiaⁿ mah? Goá lâi lah." Chú-hí thiaⁿ-kı̀ⁿ chhin-chhiūⁿ lāu-bú ê siaⁿ, koh chai i phō tı̄ heng-chêng, tı̍t-tı̍t kàu tı̄ thiⁿ-kng. Chhíⁿ ê sı̂ chı̍t ē khoàⁿ, bô khoàⁿ- kı̀ⁿ chı̍t lâng, chí-ū i iáu tı̄ bı̂n-chhn̂g-kak, chhēng saⁿ chē teh. Bô joā-kú lāu-bú tùi goā-bı̄n lâi, khoàⁿ-kı̀ⁿ Chú-hí tı̄ hí lāi-bı̄n teh chē, chiū kóng, "Goá ê kiáⁿ pêng-an á bô?" Chú-hí kóng, "Pêng- an, lāu-bú lí chá-khí khı̀ tah-lo̍h?" I kóng, "Chā--jı̍t khı̀ bó͘ ke choè kang, thiⁿ-khı̀ m̄ hó, bô tò-lâi, chá-khí hō͘ chı̄ⁿ, chiah lâi khoàⁿ lí."
Chú-hí kı̂-koài kóng, "Chā-mı̂ goá chin kiaⁿ, tı̄ poàⁿ khùn poàⁿ chhíⁿ ê sı̂, ū chı̍t ūi jı̍p lâi, kap goá kóng-oē, koh phō goá tı̄ i ê heng-chêng, hit ê kiám m̄ sı̄ lí mah?"
Lāu-bú thiaⁿ-kı̀ⁿ chit ê oē, moá bı̄n tài chhiò iông, kám-siā Chú Iâ-so͘, tùi gín-ná kóng, "Hit ê sı̄ goá pêng-jı̍t só͘ oá-khò ê Chú Iâ-so͘. Goá chā--jı̍t boē oē lâi ke-lāi, ū chiong lí kau hō͘ Chú Iâ-so͘, chhiáⁿ I thoè goá chiàu-kò͘ lí."
Chú-hí tùi hit sı̂ siū kám-tōng, chiâⁿ-choè ū-hàu ê kiáⁿ, soà choè tē-it jia̍t-sim oá-khò Chú ê lâng. Sı̀n-tô͘ ah! Lí bat chiong kiáⁿ cha-bó͘ kiáⁿ kau hō͘ Chú á bô? Bat chiong Chú ê tō-lí kà-sı̄ in á bô? Lí ê kiáⁿ cha-bó͘-kiáⁿ tı̄ hoān-lān tiong, ū sı̂ bô sı̀n Chú, lí bat tı̄ bô lâng tı̄-teh ê só͘-chāi, thoè i kiû Chú á bô? Lán tio̍h o̍h chit ê chiú-koáⁿ lâng, koà-liām kiáⁿ cha-bó͘-kiáⁿ, iā tio̍h o̍h Chú-hí iú- hàu lāu-bú.
Pē Ūi Kiáⁿ sí
Kúi cha̍p nı̂ chêng, tı̄ Lêng-iông koāiⁿ-siâⁿ ê tang-sı̀. Tang-chong-tı̀n ū chı̍t-ê sı̀ⁿ Tân--ê, i ê ke hut-jiân khí hé sio. Chhù-piⁿ khı̀ kiù ê lâng chin choē, nā-sı̄ hé sı̄ tùi lāi-bı̄n khí, só͘-í lâng bô khoài kiù.
Khí hé ê goân-in, sı̄ sin kiáⁿ-sài kap sin-niû ēng ta chháu hang phē, āu-lâi chiong hé-hu piàⁿ tı̄ chhiûⁿ-kak, chhiûⁿ sı̄ tiū-kó só͘ choè--ê.
Hé-hu lāi ê hé, iáu-bē hoa, nn̄g lâng chiū khùn-- khı̀. Poàⁿ-mı̂ hé chhèng khí, kiaⁿ chhíⁿ nn̄g lâng. In sûi-sı̂ khí--lâi, chhē boē tio̍h mn̂g, saⁿ-kap kàu chit ê chhiûⁿ kak ē, chē teh thèng-hāu sí. Goā-bı̄n ê lâng, chí ū kò͘ kiù hé, nā-sı̄ sı̀ⁿ Tân-- ê khoàⁿ-kı̀ⁿ kiáⁿ sim-pū tı̄ chhù-lāi, iáu-bē chhut--lâi, sûi-sı̂ the̍h chit niá thán-á moa tı̄ sin-khu, chiong mn̂g chhut- la̍t chhia khui, chiah jı̍p chhù-lāi, bong chhē chı̍t-se̍h, pèng bô chhē-tio̍h lâng. Āu-lâi chhē kàu chhiûⁿ-ē, chiū chiong kiáⁿ sim-pū, choè chı̍t ē phō--chhut-lâi. Chhut--lâi ê sı̂, sı̀ⁿ Tân--ê, sin-khu ê bah lóng í-keng sio se̍k, thâu-mn̂g chhùi-chhiu lóng bô, bı̄n ê bah iā lóng sio--khı̀.
I ê kiáⁿ sim-pū thâu-mn̂g sui-jiân sio, sin-thé khiok bô siū toā hāi. Kè nn̄g jı̍t āu sı̀ⁿ Tân--ê, in- ūi siū sio lâi sí.
Sè-chiūⁿ lāu-pē thiàⁿ kiáⁿ, ūi kiáⁿ pàng-sak sı̀ⁿ- miā. Thiⁿ Pē in-ūi thiàⁿ sè-kan lâng, chiong I thiàⁿ ê Kiáⁿ siúⁿ-sù sè-kan. Sè-kan lâng put-hàu pē-bú ê chin-chiàⁿ bô chió. Sı̀n-tô͘ khoàⁿ-khin Chú ê un--ê iā sı̄ put-chí choē.
