Kiàn-tiok ê khùn-lân thiau-chiàn goán,
Keng-chok ê khùn-lân iā thiau-chiàn goán,
8 goe̍h ê hong-thai phah-tó goán ê kàu-sek,
9 goe̍h ê toā-hō͘ húi-hoāi goán ê tō-lō͘,
11 goe̍h ê soaⁿ-chúi.
chhiong-pang goán ê chio̍h-chhiûⁿ,
28 kah ê thó͘-toē.
thò͘-chhut piàn-toē ê koaⁿ-chin,
jia-ba̍t goán ê chiân-tô͘.
phah-soàⁿ goán ê bı̂n-bāng.
Chóng-sı̄ tio̍h chai,
Bo̍h-tit kiû iông-ı̄ⁿ ê sêng-chiū,
khoài chiâⁿ ê sêng-kong.
In-ūi “iông-ı̄ⁿ”thàng kàu “pı̂n-toāⁿ,”
“Pı̂n-toāⁿ”tı̀-kàu “bia̍t-bô,”
“Khoài chiâⁿ”thàng kàu “kiau-ngō͘,”
“kiau-ngō͘”tı̀-kàu“tı̂m-lûn.”
Só͘ thiàⁿ ê hiaⁿ-ché ah!
Chhiáⁿ lâi! Lâi kap goán tâng kiâⁿ
khùn-lân ê tō-lō͘,
Lâi kap goán tâng siū
it-chhè ê hoān-lān.
In-ūi tı̄ hia,
Chí ū tı̄ hia,
Ū êng-kng ê koan-bián teh thèng-hāu lán.
(Tâi-oân Kàu-hoē Kong-pò, Tē 852 kı̂, 1959 nı̂ 12 goe̍h)
