Sam-jū-keng Sin-choān Pe̍k-oā Chù-kái/Sam-jū-keng 12

Sam-jū-keng 11

Sam-jū-keng Sin-choān Pe̍k-oā Chù-kái 三字經新篡白話註解 (1894 nî) Sam-jū-keng 12 Chok-chiá: Î Jiâu-lí

Sam-jū-keng 13

1904 nî tiông-ìn.

THÂU-SŪ Í-KI̍P KHÍ-THÂU Ê IÀU-KÍN

I-KENG Ū KÓNG-LIÁU

TAⁿ CHIONG TĒ-JĪ IÀU-KÍN

BEH SIONG-LŪN TÌ Ē-TÉ;

TĀI-SENG CHIŪ-SĪ KÌ-CHÀI BÓ͘-SÒ͘,

AŪ-LÂI SĪ KÌ-CHÀI BÓ͘-BŪN.

TÙI CHIA KHÍ SĪ KÓNG BÓ͘-SÓ͘.

133	一	it	chit
133	而	jî	kàu
133	十	si̍p	cha̍p
133	十	si̍p	cha̍p
133	而	jî	kàu
133	百	pek	pah
133	百	pek	pah
133	而	jî	kàu
133	千	chhian	chheng
133	千	chhian	chheng
133	而	jî	kàu
133	萬	bān	bān

“Sǹg sī tùi Chi̍t chìn kàu Cha̍p, tùi Cha̍p chìn kàu Pah, tùi Pah chìn kàu Chheng, tùi Chheng chìn kàu Bān”.

---

‘it’ sī siàu-ba̍k ê khí-thâu.

‘Si̍p’ sī siàu-ba̍k ê soah-bóe.

Ta̍k só͘-chāi ê lâng nā teh sǹg-siàu sī ài ēng tùi it káu cha̍p chò goân-pún ê siàu-ba̍k. Káⁿ-sī in-ūi lâng ê chńg-thâu-á sī cha̍p-ki.

Lâng hun-piat 1, 3, 5, 7, 9 chò khia; 2, 4, 6, 8, 10 chò siang. Ū Tn̂g-lâng ê chheh kóng,—Si̍p jī sī chí tang, sai, lâm, pak ê gī-lí, só͘-í, chit-jī ū pau-hâm chiâu-chn̂g ê ì-sù.

Tiong-kok lâng ū ēng siàu-ba̍k lâi káng-kiù thiⁿ-tē kó͘-kim ê tāi-chì kap tō-lí, só͘-í, ū tōa óa-khò Hô-tô͘ kap Pat-kòa, hit-hō. Ia̍h-kong chiông-tiong ia̍h ū lūn sò͘.

Lâng ū liû-thoân kóng,—Siāng kó͘-chá ū chit-lâng miâ-kiò Lē-siú lâi pang-chān N̂g-tè chò Soàn-hoat, chiū-sī sǹg-siàu ê hoat-tó͘. Aū-lâi kàu Chiu-kong chiah ū chiâⁿ Kiú-chiong ê hoat, chiū-sī kiú-kiú ha̍p-sò͘ ê khoán-sit.

Gōa-kok ê lâng khah-siông só͘ ēng ê siàu-ba̍k pún sī tùi A-lat-pek kok chhut.